धाराशिव (प्रतिनिधी)-तुळजापूर येथे शारदीय नवरात्र महोत्सवात आज 4 ऑक्टोबर रोजी श्री तुळजाभवानी देवीजींची नित्योपचार पूजा करण्यात आली. शारदीय नवरात्राची आज दुसरी माळ.
तत्पूर्वी पहाटेते सकाळी10या वेळेत देवीजींची अभिषेक पूजा करण्यात आली. त्यानंतर आरती झाली.यापद्धतीने श्री तुळजाभवानी देवीजींचे दररोज विविध धार्मिक विधी विधीवत पार पाडले जातात. श्री तुळजाभवानी देवीजींच्या विविध अलंकार पूजेस 07 ऑक्टोबरपासून सुरुवात होत आहे.
7 ऑक्टोबर रोजी ललित पंचमीनिमित्त रथ अलंकार महापूजा, 8ऑक्टोबर रोजी मुरली अलंकार महापूजा,9 ऑक्टोबर रोजी शेषशाही अलंकार महापूजा,10ऑक्टोबर रोजी भवानी तलवार अलंकार महापूजा आणि11ऑक्टोबर रोजी महिषासूर मर्दिनी अलंकार महापूजा होणार आहे. तत्पूर्वी, काल (गुरुवार) रात्री10 वाजता श्री देवीजींची छबिना मिरवणूक हंस वाहनातून काढण्यात आली.