धाराशिव (प्रतिनिधी)- विभागीय शालेय मॉडर्न पॅन्टॉथलॉन क्रीडा स्पर्धा ही कै.शांताराम सगने जलतरणिका जिल्हा क्रीडा संकुल श्री गुरुगोबिंदसिंघजी स्टेडीयम नांदेड येथे दिनांक 27/09/2024 रोजी पार पडल्या. ही स्पर्धा 17 वर्षे वयोगटातील मुला मुलींसाठी 1200 मी रनिंग, 100 मी स्विमिंग व नंतर 1200 मी रनिंग व 19 वर्षे वयोगटातील मुला मुलींसाठी 1600 मी रनिंग 200 मी स्विमिंग व नंतर 1600 मी रनिंग अशी असून या स्पर्धेमध्ये आपल्या एकलव्य विद्या संकुलातील विद्यार्थ्यांनी अतिशय उत्तम कामगिरी करून यश संपादन केले.
त्यामध्ये 17 वर्ष वयोगट मुले/मुली मध्ये ज्योतीराम पवार द्वितीय क्रमांक, निखिल गजभार तृतीय, कल्पना जाधव प्रथम क्रमांक, 19वर्ष वयोगट मुले/मुली मध्ये करण काळे प्रथम क्रमांक, मसू निंबाळकर द्वितीय क्रमांक, आर्या बनसोडे प्रथम क्रमांक मिळाऊन यश संपादन केले. यांनी मॉडर्न पॅन्टॉथलॉन मध्ये अतिशय उत्तम कामगिरी करून यश संपादन केले व या सर्व सहा खेळाडूंची पुढे होणाऱ्या राज्यस्तरीय स्पर्धेसाठी यांची निवड झाली आहे. या सर्व विजयी खेळाडूंचे व क्रीडा विभाग प्रमुख व क्रीडा प्रशिक्षक ज्ञानेश्वर भुतेकर, बालाजी क्षीरसागर, निर्मलाताई हुग्गे यांचे संस्थेच्या वतीने संस्थेचे अध्यक्ष उद्धव काळे, कार्यवाह, विवेकअयाचीत, उपाध्यक्ष डॉ.अभय शहापूरकर, मुख्याध्यापक अण्णासाहेब कोल्हटकर, विठ्ठल म्हेत्रे, संस्थेचे संचालक मंडळ व क्रीडा समितीचे सर्व सदस्य व सर्व कर्मचारी यांनी अभिनंदन केले व पुढील स्पर्धेसाठी शुभेच्छा दिल्या.