धाराशिव (प्रतिनिधी)- येथील रामकृष्ण परमहंस महाविद्यालयात दिनांक 23 ऑगस्ट 2024 रोजी महाविद्यालयाचे प्राचार्य डॉ.जयसिंगराव देशमुख यांच्या मार्गदर्शनाखाली डॉ. बाबासाहेब आंबेडकर मराठवाडा विद्यापीठाचा 66 वर्धापन दिन उत्साहात साजरा करण्यात आला.
याप्रसंगी भारतरत्न डॉ.बाबासाहेब आंबेडकर यांच्या प्रतिमेचे पूजन करण्यात आले व शिक्षणमहर्षी डॉ. बापूजी साळुंखे आणि संस्थामाता सुशिलादेवी साळुंखे यांच्या पुतळ्याला पुष्पहार अर्पण करण्यात आले. यावेळी राष्ट्रीय सेवा योजना विभागाच्या वतीने महाविद्यालय परिसरात वृक्षारोपण करण्यात आले. सदर कार्यक्रम महाविद्यालयाचे प्राचार्य डॉ .जयसिंगराव देशमुख यांच्या मार्गदर्शनाखाली संपन्न झाला.