धाराशिव (प्रतिनिधी)- धनगर जमातीला अनुसूचित जमाती (एस. टी.) आरक्षणाची अंमलबजावणी करून त्वरित प्रमाणपत्र मिळवण्यासाठी धाराशिव येथील जिल्हाधिकारी कार्यालय समोर श्री शाम तेरकर, श्री कमलाकर दाणे, श्री समाधान पडुळकर व श्री राजू मैंदाड उपोषणास बसले आहेत. त्यांच्या तिसऱ्या दिवसाच्या उपोषणाला धाराशिव जिल्ह्यातून मोठ्या प्रमाणामध्ये पाठिंबा मिळाल्याचे दिसून येत आहे. अनेक वर्षापासून धनगर समाजाला एसटीचे प्रमाणपत्र मिळवण्यासाठीचा संघर्ष चालू आहे. आषाढी एकादशीला औचित्य साधून धनगर समाजाच्या वतीने उपोषण स्थळी पांडुरंगाचे व विठ्ठल रुक्मिणीचे विधिवत पूजा करून सुवासिनीच्या हस्ते आरती करण्यात आली व राज्याचे मुख्यमंत्री उपमुख्यमंत्री व राज्य सरकार यांना सद्बुद्धी मिळावी अशी पांडुरंगाला विनवणी करून साकडे घालण्यात आले यावेळेस उपोषण स्थळी मोठ्या प्रमाणामध्ये समाज बांधव उपस्थित होते.
सकल मराठा समाज तुळजापूर यांचा धनगर समाज एसटी आरक्षण अंमलबजावणीला पाठिंबा:
सकल मराठा समाज तुळजापूर येथील कार्यकर्त्यांनी उपोषण स्थळी येऊन धनगर समाजाचा प्रश्न अतिशय योग्य आहे आणि धनगर समाजाला एस. टी. प्रवर्गातून आरक्षण अंमलबजावणी करून त्वरित सर्टिफिकेट देण्यात यावे. या मागणीला पाठिंबा दिलेला आहे. यावेळेस तुळजापूर येथील मराठा समाजाचे कार्यकर्ते मोठ्या प्रमाणात उपस्थित होते. रूपामता परिवाराचा धनगर समाज आरक्षणास पाठिंबा :
रुपामाता परिवाराचे संस्थापक अध्यक्ष व्यंकट गुंड यांनी उपोषण स्थळी येऊन उपोषणाला बसलेल्या कार्यकर्त्याचा व त्यांच्या प्रकृतीची अस्तेने चौकशी करून धनगर समाजाच्या एस. टी. आरक्षण अंमलबजावणीस पाठिंबा दिला.
सकल मराठा समाज येडशी यांचा एस. टी. आरक्षण अंमलबजावणी बिनशर्त पाठिंबा :
येडशी येथील सकल मराठा समाजाच्या वतीने शिष्टमंडळ घेऊन येऊन उपोषणास बसलेल्या कार्यकर्त्या सोबत आपल्या भावना आहोत आणि धनगर समाजाचा प्रश्न अतिशय जिव्हाळ्याचा आहे. त्यासोबत येडशी चा मराठा समाज आहे आणि मराठा समाजाचा एस. टी. आरक्षणा पाठिंबा असल्याचं पत्र देण्यात आलेले. यावेळेस येडशी येथील मराठा समाज मोठ्या संख्येत उपस्थित होता.
भाजपा नेते सुधीर अण्णा पाटील यांचा एस. टी. आरक्षण अंमलबजावणीला पाठिंबा
धाराशिवचे भाजपाचे जेष्ठ नेते सुधीर अण्णा पाटील यांनी उपोषण स्थळ येऊन धनगर समाजाचा प्रश्न अतिशय जिव्हाळ्याचा प्रश्न आहे. सरकारने महाराष्ट्रात धनगरच आहेत या खात्री करून घेऊन सुद्धा धनगरांना राज्यघटनेत आरक्षण असून सुद्धा सरकारने गांभीर्याने विचार करून अंमलबजावणी करावी. या मागणीला पाठिंबा दिलेला आहे.
मनोज जरांगे पाटील यांचा उपोषणास बसलेल्या कार्यकर्त्यांशी संवाद :
मनोज जरांगे पाटील यांनी धाराशिव येथील उपोषणास बसलेल्या कार्यकर्त्यांशी संवाद साधत आपला या आरक्षणाच्या अंमलबजावणीस पाठिंबा असल्याचे सांगीतले. धनगर समाजा सोबत मी ही आपल्या अंदोलनात सहभागी आसल्याचे सांगीतले. तिसऱ्या दिवसापर्यंत जवळजवळ दोन हजार लोकांनी उपस्थित राहून पाठिंबा दिलेला आहे.