धाराशिव (प्रतिनिधी)-मजलिस खुद्दामुल अहमदिया उस्मानाबाद (अहमदिया मुस्लिम युवक संघ) ने 15 आणि 16 जून रोजी यशस्वीरित्या वार्षिक इज्तेमा आयोजित केला. या कार्यक्रमात विविध खेळ आणि शैक्षणिक स्पर्धांमध्ये तरुण सदस्य आणि मुलांनी उत्साहाने सहभाग घेतला.
पहिल्या दिवशी, इज्तेमाच्या ठिकाणी उत्साही वातावरण भरले होते आणि सहभागींनी त्यांची प्रतिभा आणि कौशल्ये प्रदर्शित करण्यासाठी एकत्र जमले. विविध रोमांचक खेळ स्पर्धा, भाषण स्पर्धा, कविता वाचन स्पर्धा, आणि कुराण पठण स्पर्धा आयोजित करण्यात आल्या. याशिवाय, प्रश्नमंजुषा स्पर्धांमध्ये सामान्य ज्ञान आणि विविध विषयांवरील प्रश्नांमुळे सहभागींच्या ज्ञानाची कसोटी लागली.
धाराशिव येथील शासकीय वैद्यकीय महाविद्यालय व रुग्णालयाच्या रक्तपेढीमध्ये खिदमते खल्क विभागाच्या वतीने 15 जून रोजी सकाळी रक्तदान शिबिराचे आयोजन करण्यात आले होते. हा कार्यक्रम धाराशिव येथील शासकीय वैद्यकीय महाविद्यालय आणि रुग्णालयाच्या रक्तपेढीच्या सहकार्याने आयोजित करण्यात आला होता. रक्तदान व रक्तगट तपासणी शिबिरात महिलांनी आणि पुरुषांनी उत्साहाने रक्तदान केले आणि मोठ्या प्रमाणात रक्तगट तपासणीही करण्यात आली. तसेच 20 पुरुष आणि महिलांची हेमोग्लोबिन चाचणीही करण्यात आली. रक्तदाते व आलेल्या मान्यवरांचे गुलाबपुष्प देऊन स्वागत करण्यात आले. उपाध्यक्ष अहमदिया मुस्लिम जमाअत उस्मानाबाद अब्दुस समद,सामाजिक कार्यकर्ते गणेश वाघमारे, डॉक्टर,रक्तपेढीचे कर्मचारी आणि कांबळे सर यांनी शिबिरादरम्यान सहकार्य केले. रक्तदात्यांमध्ये तारिक़ अहमदी, अब्दुस समद, अब्दुल नईम, नदीम अहमद, मोमीन फहेद अहमद, रागेब अलीम, सदिका अंबर आदींचा समावेश होता, ज्यांनी रक्तदान करून सहकार्य केले.
16 जून रोजी सायंकाळी संपन्न झालेला समारोप सोहळा अत्यंत उत्साहपूर्ण होता. पारितोषिक वितरण समारंभात, क्रीडा आणि शैक्षणिक स्पर्धांमध्ये प्रथम, द्वितीय आणि तृतीय क्रमांक विजेत्यांना त्यांच्या उत्कृष्ट कामगिरीसाठी ट्रॉफी, पदके आणि प्रमाणपत्रे देण्यात आली. मजलिस खुद्दामुल अहमदिया उस्मानाबादने जपलेल्या मूल्यांची आठवण करून देणारा हा समारंभ तरुणांना जीवनाच्या सर्व क्षेत्रांत उत्कृष्टतेसाठी प्रेरणा देणारा ठरला.
या दोन दिवसीय इज्तेमा मध्ये अहमदीया मुस्लिम युवा संघाचे अध्यक्ष राग़ेब अलीम, अब्दुल अलीम, अब्दुल नईम, नदीम अहमद, अब्दुल कय्यूम नासिर, नासेर खान, राशिद अहमद, इल्यास अहमद,वसीम अहमद मुताहिर अहमद, सजील अहमद आदिल अहमद, अताऊल बाक़ी, मोनिस अहमद, शफीक अहमद माजीन अहमद, आकिफ अहमद, मंजूम अहमद व इतर मान्यवरांनी सहभाग घेतला.