भूम (प्रतिनिधी)-शहरातील श्री गुरुदेव दत्त प्राथमिक विद्यामंदिर गुरुदेव हायस्कूल भूम यांच्या संयुक्त विद्यमाने माता रमाई आंबेडकर यांच्या जयंतीचे औचित्य साधत बाल आनंद मेळाव्याचे आयोजन करण्यात आले होते. या आनंद सोहळ्याचा विद्यार्थ्यांसह पालक व ग्रामस्थांनी आनंद घेतला.
आनंद मेळाव्यात विद्यार्थी-विद्यार्थिनींनी अतिशय उत्साहाने खूप छान छान चविष्ट व चटकदार खाद्यपदार्थ बनवून आणले होते. स्टॉलची मांडणी, विविध पदार्थांची विक्री, खरेदी व विविध पदार्थांचा आस्वाद घेण्याचा आनंद मुलांनी लुटला. सकाळी मान्यवरांच्या हस्ते बाल आनंद मेळाव्याचे उद्घाटन करण्यात आले. माता रमाई यांच्या यांच्या प्रतिमेचे पूजन मान्यवरांनी केले. कार्यक्रमाचे उद्घाटन सतिश देशमुख यांनी केले. विद्यार्थ्यांच्या दैनंदिन जीवनातील मनावरील असलेला अभ्यासक्रमाचा मानसिक ताणतणाव दूर करुन विरंगुळा मिळावा व त्यांच्यातील अंगीकृत सुप्त कलागुणांना वाव देता यावा या उद्देशाने या वर्षी आनंद मेळाव्याचे आयोजन केले जाते. या मेळाव्या मध्ये 280 विधार्थी विद्यार्थीनींनी सहभाग घेतला. सहभागी झालेल्या विद्यार्थ्यासाठी लोकहित बहुउद्देशिय सेवाभावी सामाजिक सस्थेच्यावतीने प्रमाणपत्र व प्रथम, व्दितीय, तृतीय क्रमांक काढून रोख स्वरूपाचे बक्षिस देण्यात येणार असल्याचे जाहीर केले आहे. कार्यक्रम यशस्वी होण्यासाठी मुख्याध्यापक श्रीमती अंजना मुंढे, भूपालसिंह गायकवाड, राजेश भोरे, मुळे, भोरे, पोतरे, भोपलकर, बांगर यांच्यासह गुरुदेव दत्त हायस्कूलच्या शिक्षकांनी यांनी परिश्रम घेतले.