तुळजापूर (प्रतिनिधी)- तालुका जनशक्ती शेतकरी संघटनेच्या अध्यक्षपदी काक्रंबा येथील अहमद अन्सारी यांची निवड संघटनेचे संस्थापक अध्यक्ष अतुल खूपसे पाटील यांच्या शुभहस्ते नियुक्तीपत्र देऊन करण्यात आली.
अहमद अन्सारी हे शिवसेना उबाठा काक्रंबा अल्पसंख्यांक विभागप्रमुख या पदावर कार्यरत होते. त्यांनी लोकसभा व विधानसभा निवडणुकीच्या तोंडावर शिवसेना पक्षाला राम राम करून जनशक्ती संघटनेमध्ये प्रवेश केला आहे. त्यामुळे काक्रंबा गटात शेतकरी संघटनेच्या ताकदीत वाढ होणार आहे. जनशक्ती संघटना तुळजापूर तालुक्यामध्ये मजबुतीकरण करण्याचे काम येणाऱ्या काळामध्ये करणार आहे असे अहमद अन्सारी यांनी यावेळी सांगितले.
पश्चिम महाराष्ट्रामध्ये जनशक्ती संघटनेने पाया मजबुत केल्यानंतर आता मराठवाड्याच्या दिशेने आपले संघटनेचे काम करत असलेले पाहायला मिळत आहे.येणाऱ्या लोकसभा व विधानसभा मध्ये जनशक्ती संघटना निवडणूक मध्ये उतरणार का याकडे सर्व राजकीय नेत्यांचे लक्ष लागले आहे. या प्रसंगी संपादक जुबेर शेख, जनशक्ती संघटनेचे सोलापूर शहराध्यक्ष सिकंदर नदाफ, सिद्दीक पटेल, राम थोरात तसेच कार्यकर्ते मोठ्या संख्येने उपस्थित होते.