धाराशिव (प्रतिनिधी)- डॉ. बाबासाहेब आंबेडकर मराठवाडा विद्यापीठाचा 30 वा नामविस्तार दिन डॉ. बाबासाहेब आंबेडकर मराठवाडा विद्यापीठ उपपरिसरात उत्साहात संपन्न झाला. इतिहासातुन भविष्याचा वेध घेता येतो. आजच्या काळामध्ये इतिहासाचे महत्व समजुन घेणे आवश्यक आहे. प्रमुख व्याख्याते प्रा. डॉ. महेंद्र चंदनशिवे, विभागप्रमुख, कर्मवीर मामासाहेब जगदाळे महाविद्यालय, वाशी यांनी “डॉ. बाबासाहेब आंबेडकरांचे शैक्षणिक कार्य व नामविस्तार पार्श्वभूमी विषयी सविस्तर व सखोल मार्गदर्शन केले. विद्यापीठ उपपरिसराचे संचालक प्रा. डॉ. प्रशांत दीक्षित यांनी कार्यक्रमाचे अध्यक्षस्थान भूषविले. विद्यार्थी विकास विभाग समन्वयक, डॉ. विक्रम शिंदे व्यासपीठावर उपस्थित होते.
कार्यक्रमाचे सूत्रसंचालन व्यवस्थापन शास्त्र विभागातील सहाय्यक प्राध्यापक तथा विद्यार्थी विकास विभाग समन्वयक डॉ. विक्रम शिंदे यांनी केले. इंग्रजी विभागातील सहयोगी प्राध्यापक तथा कमवा व शिका योजना समन्वयक डॉ. गोविंद कोकणे यांनी आभार मानले. कक्षाधिकारी शिक्षणशास्त्र विभागप्रमुख डॉ. मनीषा असोरे, जैवतंत्रज्ञान विभागप्रमुख श्री. जितेंद्र कुलकर्णी, रसायनशास्त्र विभागप्रमुख डॉ. किशन हावळ, राष्ट्रीय सेवा योजना कार्यक्रम अधिकारी डॉ. राहुल खोब्रागडे, डॉ. मेघश्याम पाटील, डॉ. जितेंद्र शिंदे, डॉ. महेश्वर कळलावे, वरिष्ठ सहाय्यक चंद्रकांत आंनंदगावकर, संजय जाधव, रवींद्र सोनवणे, स्वीय सहाय्यक श्रीकांत सोवितकर, अभियंता प्रवीण आळंगे, ग्रंथालय कनिष्ठ सहायक मल्लिनाथ लामजणे, वीजतंत्री हेमंत कांबळे, प्रल्हाद इंगळे, राहुल कामठे, मस्के, विठ्ठल कसबे, सर्व विभागातील प्राध्यापक, कर्मचारी व विद्यार्थी बहुसंख्येने कार्यक्रमास उपस्थित होते.