धाराशिव (प्रतिनिधी)-पोलिस अधीक्षक अतुल कुलकर्णी यांनी वृक्षारोपण, पारधी समाजासाठी कार्यशाळा, मागास युवकांसाठी पोलिस प्रशिक्षण, सेंद्रीय खताद्वारे कृषी उत्पादन,तुळजापूर नवरात्र महोत्सवात डिव्टीसाठी आलेल्या लोकांसाठी भोजनाचा व्यवस्था आदी कार्यातून आपली सामाजिक बांधिलकी स्पष्ट केली असली तरी आज त्यांनी परत एकदा दिवाळी सणानिमित्त एक हात मदतीचा वंचित लोकांसाठी दिला आहे.
पोलीस अधीक्षक अतुल कुलकर्णी यांनी दिवाळी सणानिमित्त एक हात मदतीचा गरजवंतासाठी या विशेष उपक्रमाचे आयोजन दि.11. नोव्हेंबर रोजी पोलीस मुख्यालयातील गार्डन लॉनवर करण्यात आले. दिवाळी हा भारतातील सर्वात मोठा सण आहे. या सणाचा आनंद अनेक गोरगरिब कुटुंबातील लोकांना मिळत नाही म्हणून त्यांना या सणाच्या आनंदात सहभागी करुन घेण्यासाठी या उपक्रमात गोरगरीब कुटुंबाला फराळाचे साहित्य, मुलांसाठी कपडे, शैक्षणिक साहित्य तसेच जिवन आवश्यक वस्तू या पोलीस अधिक्षक अतुल कुलकर्णी, श्रीमती महिमा कुलकर्णी यांच्या हस्ते 350 ते 500 गोरगरिब कुटुंबातील लोकांना भेट स्वरुपात वाटप करण्यात आले.
तसेच दि.12 नोव्हेंबर 2023 रोजी पोलीस अधीक्षक कार्यालयातील अंशकालीन कर्मचारी यांना फराळाचे साहित्य, तसेच जीवनावश्यक वस्तू हे पोलीस अधिक्षक अतुल कुलकर्णी व श्रीमती महिमा कुलकर्णी यांच्या हस्ते 30 ते 40 अंशकालीन कर्मचारी यांना भेट स्वरुपात वाटप करण्यात आले.
सदर कार्यक्रमास उप विभागीय पोलीस अधिकारी स्वप्नील राठोड, पोलीस ठाणे धाराशिवचे पोलीस निरीक्षक उस्मान शेख, राखीव पोलीस निरीक्षक आरविंद दुबे, सहाय्यक पोलीस निरीक्षक सिध्देश्वर गोरे, पोलीस अधिक्षक कार्यालय येथील पोलीस अधिकारी, पोलीस अमंलदार तसेच पोलीस अधीक्षक कार्यालयातील 30 ते 40 अंशकालीन कर्मचारी व गोरगरिब 350 ते 500 कुटुंबातील व्यक्ती उपस्थित होते.