धाराशिव (प्रतिनिधी)- येथील तेरणा अभियांत्रिकी महाविद्यालयाने महाविद्यालयीन स्तरावर आविष्कार -2024 या स्पर्धेचे आयोजन केले होते. या स्पर्धेत सहभागी झालेल्या प्रकल्पांचे परिक्षण महाविद्यालयाचे तज्ञ प्राध्यापक यांनी केले.
यावेळी प्राचार्य विक्रमसिंह माने यांची प्रमुख उपस्थिती होती. या प्रयोगाचे परिक्षण करताना ते म्हणाले, विद्यार्थांने नेहमीच नवनवीन समाजोयोगी संकल्पना असतात, त्यामुळे देशातील सामाजिक, शैक्षणिक व औद्योगिक समस्यांवर तोडगा निघतो. फक्त त्यांना व्यासपीठ मिळणे गरजेचे असते.या स्पर्धेमुळे विद्यार्थ्यांच्या नवनवीन संकल्पना पुढे आल्या. यातील काही प्रयोग निश्चितच भविष्यात पथदर्शी प्रयोग म्हणून मान्यता पावतील अशी मला आशा आहे. या स्पर्धेचा मूळ हेतू म्हणजे देशविदेशातील प्रश्ने यशस्वी हाताळण्यासाठी नव्या नव्या संकल्पनांना वाव देण्याचा उद्देश होता. यामध्ये विद्यार्थ्यांनी स्मार्ट ऑटोमेशन , हेरिटेज कल्चर, आरोग्यविषयक, शेतीविषयक, दळणवळण पर्यटन अशा विविध विषयांवर मांडणी करावी अशी विद्यार्थ्यांकडून अपेक्षा होती. या अपेक्षेला प्रतिसाद देत विद्यार्थ्यांनी ऑटोमेशन क्रॉप प्रोटेक्शन सिस्टीम..म्हणजेच मानवी श्रम आणि अवकाळी पावसापासून फळबागांचे संरक्षण यासाठी नवीन प्रकल्प डेव्हलप करून पर्यावरण पुरक प्रकल्पाचे कसे नियोजन करता येईल याचा विचार करून प्रयोग केले.
हर्बल ड्रग प्रिपरेशन, कोरोना काळात पॅथॉलॉजी लॅबची गरज आणि त्यावर पडलेला अतिरिक्त ताण लक्षात घेता ऑनलाइन पॅथॉलॉजी लॅब ही एक नवीन संकल्पना विद्यार्थ्यांनी त्यांच्या प्रयोगातून मांडली.
त्याचबरोबर आज पिकाचे असो की घराचे संरक्षण हा खूप महत्वाचा मुद्दा बनलेला आहे. याच अनुषंगाने विद्यार्थ्यांनी बॉर्डर सर्विलन्स हे नवीन प्रयोग याविषयी त्यांचा प्रोजेक्ट सादर केला. सध्या देशापुढे महत्वाचा प्रश्न म्हणजे पाणी हा असून जल संरक्षण कसे करावे या संदर्भातही मुलांनी आपला प्रयोग सादर केला. ऑनलाईन शिक्षण पद्धतीमध्ये ग्रामीण भागातील विद्यार्थ्यांना अनेक अडथळ्यांना सामना करावा लागला. त्यादृष्टीने खेड्यातील शिक्षण पद्धतीसाठी ऑनलाईन सॉफ्टवेअरचा वापर करून वेगवेगळे प्रयोग करण्यात आले. तसेच प्रोजेक्ट ऑटोमॅटिक इलेक्ट्रिक स्केटबोर्ड व फूड स्टेप इलेक्ट्रिसिटी जनरेशन च्या माध्यमातून वीज निर्मिती करणे यासारख्या कल्पना समोर आल्या आहेत . ओयायसिस द स्मार्ट वॉटर डिस्पेन्सर ॲप आणि नवनवीन वैशिष्ट्ये, दिवसभर लायब्ररी उघडी ठेवण्याचा अतिरिक्त ताण लक्षात घेता लायब्ररी ऑटोमिशन लॅब ही एक नवीन संकल्पना विद्यार्थ्यांनी त्यांच्या प्रयोगातून मांडली. अविष्कार 2024 चे समन्वयक डॉ. सुशीलकुमार होळंबे, सह समन्वयक प्रा.रवींद्र गुरव, प्रा.डी. बी. ठाकूर, प्रा.डी. बी. भक्ते, प्रा.बालाजी चव्हाण, प्रा.ए.के.पिंपळे, प्रा.व्ही. एस. बोंदर, प्रा.आर. बी. ननवरे या सर्वांनी कार्यक्रम यशस्वी होण्यासाठी परिश्रम घेतले.