धाराशिव (प्रतिनिधी)- धाराशिव जिल्ह्यातील तेरणा पब्लिक चॅरिटेबल ट्रस्ट संचलित तेरणा अभियंत्रिकी महाविद्यालयातील फार्मसी विभाग कार्यरत असल्यामुळे औषध निर्मिती संलग्नित आयटी क्षेत्रातील कंपन्यांमध्ये फार्मसी विभागांच्या पहिलाच बॅचच्या विद्यार्थ्यांची निवड झाली आहे.
यावेळी प्राचार्य डॉ. विक्रमसिंह माने म्हणाले की औषध निर्माण क्षेत्रातील नामांकित जागतिक स्तरावरील कंपन्या रिलायन्स फार्मा, वखाडृ लिमिटेड,वखाडृ बायोटेक,श्रेया लाईफ सायन्सेस, इत्यादी तसेच
टाटा कन्सल्टन्सी सर्विसेस (टीसीएस),गिब्स, विमटा लॅब्स यासारख्या आयटी नामांकित
कंपन्यांमध्ये फार्मसी विभागातील 70% पेक्षा अधिक विद्यार्थ्यांची निवड झाली असून, दिवसेंदिवस पॅकेज व निवड संख्यात वाढ होत आहे. गेल्या आठवड्यात झालेल्या आयटी कंपनी गिब्स व क्लीनिकल ट्रायल्स ची विमटा लॅब्स या कंपनीमध्ये अनुक्रमे विशाल आव्हाड, सानप धीरज, विशाल टेकाळे व पवन माने यांची निवड झाली. निवड झालेल्या विद्यार्थ्यांची तेरणा ट्रस्टचे अध्यक्ष डॉ. पद्मसिंह पाटील, विश्वस्त तथा आमदार राणाजगजितसिंह पाटील, विश्वस्त मल्हार पाटील,
संस्थेचे सर्व विश्वस्त, व्यवस्थापकीय समन्वयक गणेश भातलवंडे, प्राचार्य डॉ. विक्रमसिंह माने, डॉ. गणेश मते व सर्व कर्मचाऱ्यांनी विद्यार्थ्यांचे अभिनंदन करून पुढील वाटचालीसाठी शुभेच्छा दिल्या.विद्यार्थ्यांच्या निवडीसाठी टीपीओ अशोक जगताप व विभागीय टीपीओ डॉ. गुरुप्रसाद चिवटे यांनी विशेष प्रयत्न केले.