धाराशिव (प्रतिनिधी)तालुकास्तरीय शालेय बुद्धिबळ क्रीडा स्पर्धा श्री श्री गुरुकुल आणदुर येथे पार पडल्या. त्यावेळी एकलव्य आश्रम शाळा मंगरूळ यमगरवाडी ता. तुळजापूर येथील विद्यार्थ्यांनी घवघवीत यश संपादन केले. पाच विद्यार्थ्यांची पुढे होणाऱ्या जिल्हास्तरीय योगासन स्पर्धेमध्ये निवड झाली आहे.
त्यामध्ये 14 वर्ष वयोगटांमध्ये दुर्गेश वेरूळ - तृतीय क्रमांक, अस्मिता भोजने - चौथा क्रमांक, रूपाली गिरी - पाचवा क्रमांक, 17 वर्ष वयोगट- ओमराज कोळी - तृतीय क्रमांक, भिमाबाई कोंडरू - द्वितीय क्रमांक मिळवून यश संपादन केले.
यांनी बुद्धिबळ मध्ये चांगली कामगिरी केली व त्यांची पुढे होणाऱ्या जिल्हास्तरीय स्पर्धेसाठी यांची निवड झाली आहे. या सर्व खेळाडूंचे व क्रीडा विभाग प्रमुख व क्रीडा प्रशिक्षक ज्ञानेश्वर भुतेकर , अशोक बनकर, बालाजी क्षीरसागर यांचे संस्थेच्यावतीने संस्थेचे अध्यक्ष रामचंद्रजी वैदू, कार्यवाह, विवेक आयचीत, उपाध्यक्ष डॉ.अभय शहापूरकर, मुख्याध्यापक अण्णासाहेब कोल्हटकर,विठ्ठल म्हेत्रे, संस्थेचे संचालक मंडळ व क्रीडा समितीचे सर्व सदस्य व सर्व कर्मचारी यांनी अभिनंदन केले व पुढील स्पर्धेसाठी शुभेच्छा दिल्या.