धाराशिव (प्रतिनिधी)- धाराशिव जिल्ह्याचे खासदार ओमराजे निंबाळकर यांनी भूम तालुका झंजावाती दौरा दरम्यान सरकारचा शेतकऱ्यावरील अन्याय सहन करणार नाही असा खरपुस समाचार घेतला सरकार शेतकऱ्यांच्या संदर्भात सातत्याने अन्यायकारक भूमिका घेत असल्याचे वारंवार सिध्द झाले आहे. सोयाबीनचे दर तसेच टोमॅटो आयात धोरण कांदयावरती 40 टक्के पेक्षा जास्त निर्यात कर लादून सरकार शेतकऱ्यांवरती अन्याय करत आहे तो सहन करणार नाही अशा इशारा खा. ओमराजे निंबाळकर यांनी दिला. विशेष म्हणजे पालकमंत्र्यांच्या मतदारसंघात शिवसेने ठाकरे गटाचे खासदार ओमराजे निंबाळकर यांना प्रतिसाद मिळाला.
भूम तालुक्यातील दौऱ्या दरम्यान बोलताना खा. ओमप्रकाश राजेनिंबाळकर यांनी “ मी सर्वसामान्य जनतेचे व गोरगरिबांची कामे तत्काळ व्हावीत या उद्देशाने लोकांचे फोन कॉल घेऊन कामे केल्याने अनेकांच्या पोटात भितीचा गोळा फिरत आहे. या भिती पोटीच माझी ग्रामपंचायतची निवडणूक लढविण्याची लायकी नसल्याचे विधान केले. पण सन 2009 मध्ये मी लोकाशिर्वादाने विधानसभेचा आमदार होतो, विधानपरीषदेचा नव्हे याचा सविस्तर विसर पडलेला आहे. तसेच माझे दिवंगत वडिल यांच्यावर यापुढे कोणी टिका केल्यास त्याला समजेल अशा भाषेतच उत्तर दिले जाईल ” असे उदगार काढले आहे.
धाराशिव जिल्ह्याचे खासदार ओमराजे निंबाळकर यांनी भूम तालुक्याचा झंजावती दौरा करून विविध कार्यक्रमाला उपस्थिती दर्शविली. खासदार साहेब यांनी सकाळी भूम येथे शिवसेनेच्या उद्धव बाळासाहेब ठाकरे पक्षाच्या नूतन फलकाच्या अनावरण प्रसंगी उपस्थित राहिले यानंतर,भूम येथील एमआयडीसी भागात उभारलेल्या स्वस्त मानस व्यसनमुक्ती केंद्रास भेट देऊन तेथील नागरिकांशी संवाद साधला. मौजे उळूप तालुका भूम येथे शिवसेना युवासेना व किसान सेना यांच्या नूतन फलकाच्या अनावरण प्रसंगी उपस्थित राहून खासदार ओमदादा यांनी गावकऱ्यांशी संवाद साधला. मौजे वालवड तालुका भूम या ठिकाणी शिवसेना उद्धव बाळासाहेब ठाकरे या नूतन फलकाच्या अनावरण प्रसंगी उपस्थित राहिले. पाठसांगवी तालुका भूम येथे शिवसेना युवासेना उद्धव बाळासाहेब ठाकरे या पक्षाच्या नूतन फलकाच्या अनावरण प्रसंगी उपस्थित राहिलो. मुख्य कार्यक्रम असलेल्या पाटसांगवी तालुका भूम या ठिकाणी सर्व गावकरी व परिसरातील नागरिकांसाठी शिवसेना उद्धव बाळासाहेब ठाकरे पक्षाच्या वतीने आयोजित केलेल्या मोफत नेत्र चिकिस्तक तपासणी,मोतीबिंदू शस्त्रक्रिया व चष्मे वाटप अधि कार्यक्रमास उपस्थित राहून आयोजकांना या निमित्ताने शुभेच्छा दिल्या. मौजे हिवर्डा तालुका भूम येथे युवा सेनेच्या नूतन शाखेच्या फलकाचे अनावरण याप्रसंगी उपस्थित राहिले.
मौजे ईराचीवाडी, नागेवाडी, झेंडेवाडी, बेडेश्वर या भूम तालुक्यातील गावांना खा. ओमराजे निंबाळकर यांनी भेट देवून अस्तिवाई चौकशी केली. या कार्यक्रमास उपस्थिती म्हणून त्यांच्या समवेत शिवसेना उद्धव बाळासाहेब ठाकरे पक्षाचे उपजिल्हाप्रमुख तथा युवासेना जिल्हाप्रमुख डॉ.चेतन बोराडे, तालुकाप्रमुख श्रीनिवास जाधवर,शिवसेना तालुकाप्रमुख परांडा मेघराज पाटील, बाळासाहेब घेंबाड, दिलीप साळू, प्रकाश अकरे, उमाताई रणदिवे, अनिल शेंडगे,प्रल्हाद अडागळे, उमेश जाधव, सुधीर ढगे, अविनाश जाधव, रामभाऊ नाईकवाडी, अब्दुल सय्यद, केशव चव्हाण, अविनाश गटकळ यांच्यासह सबंध तालुक्यातील गावकरी, शिवसेनेचे पदाधिकारी, शिवसैनिक, युवासैनिक आदींनी यामध्ये मोठा सहभाग नोंदविला.