धाराशिव (प्रतिनिधी)-जिल्हा परिषद प्राथमिक शाळा सारोळा येथे लोकशाहीर अण्णाभाऊ साठे यांच्या जयंती निमित्त व लोकमान्य टिळक यांच्या पुणयतिथीनिमित्त प्रथम त्यांच्या प्रतिमेचे पूजन गावचे सरपंच तानाजी बेले, उपसरपंच आकाश म्हेत्रे, माजी सरपंच मुकुंद पवार, माजी उपसरपंच राहुल कांबळे यांच्या हस्ते पुष्पहार अर्पण करून त्यांना अभिवादन करण्यात आले.
त्यानंतर मुख्याध्यापक पवन सुर्यवंशी व शाळेतील शिक्षक बाळासाहेब बेद्रे यांनी दोन्ही त्यांच्या जीवन चरित्रावर व स्वातंत्र्य चळवळीत त्यांचे योगदान, प्रतिकूल परिस्थितीत ही त्यांनी केलेले कार्य या विषयी मुलांना माहिती सांगितली व कार्यक्रमाची सांगता झाली. कार्यक्रमाचे सूत्रसंचालन
बाळासाहेब बेद्रे यांनी केले व आभार दिनकर लोकरे यांनी मानले. यावेळी गावातील पालक आविनाश कांबळे, राजु कांबळे यांच्यासह शाळेतील सर्व शिक्षक, शिक्षिका व विद्यार्थी उपस्थित होते.