धाराशिव (प्रतिनिधी)-डॉ.पदमसिंह पाटील व आमदार राणाजगजितसिंह पाटील यांच्या मार्गदर्शनाखाली तेरणा पब्लिक चॅरिटेबल ट्रस्ट संचलित तेरणा जनसेवा केंद्र, तेरणा सुपर स्पेशालिटी हॉस्पीटल, नेरुळ नवी मुंबई यांच्या संयुक्त विद्यमाने आरोग्य तपासणी व उपचार शिबीराचे आयोजन रविवार दि. 16 जुलै रोजी नळदुर्ग, ता.धाराशिव येथे सकाळी 10 ते 4 या वेळेत करण्यात आले होते. या आरोग्य शिबीरात नळदुर्ग व परिसरातील सर्व वयोगटातील 510 महिला, पुरुष तसेच बालकांनी लाभ घेतला. यात प्रामुख्याने ह्रदयरोग, स्त्रीरोग, कान-नाक घसा, नेत्ररोग, बालरोग, अस्थिरोग या सह विविध आजारांवर मुंबई येथील तज्ञ डॉक्टरांनी तपासणी व उपचार केले व मोफत औषधाचा पुरवठा करण्यात आला.
कार्यक्रमाचे प्रमुख पाहुने न. प. सदस्य निरंजन राठोड, झिमाताई राठोड, मा. अध्यक्ष भिमाबाई राठोड, किसन राठोड, कैलास चव्हाण, बापू पवार, संजय जाधव, संतोष राठोड, संजय राठोड, गोविंद राठोड, लखन राठोड, किरन राठोड, रजवी ए.बी इत्यादी कार्यकर्ते व ग्रामस्थ मोठया संख्येने उपस्थीत होते. यावेळी मुंबईचे डॉ.अजित निळे, डॉ स्नेहा आंतुरे, डॉ. आश्विनी जाधव, डॉ.कृष्णा होडे पाटील, डॉ.जयेश पाटील, डॉ. शिवम येवरे पाटील यांनी रुग्णांची तपासणी करुन औषधोपचार केले. तसेच तेरणा जनसेवा केंद्राचे विनोद ओव्हाळ, रवी शिंदे, सचिन व्हटकर, संदिप खोचरे, व नळदुर्ग आरोग्य केंद्राचे रमेश सियाले यांनी परिश्रम घेतले.