तुळजापूर/ प्रतिनिधी-
अवैधरित्या हातभट्टी दारु वाहतुक होत असल्याची माहीती दुय्यम निरीक्षक राज्य उत्पादन शुल्क यांना मिळताच सोलापूर - तुळजापूर रोडवर माळुंब्रा शिवारात अवैधरित्या हातभट्टी दारु वाहुन नेणारी तेवरा पकडुन दारु व तवेरासह एकूण .२,८०,००० / - किंमतीचा मुद्देमाल जप्त करण्यात आला आहे.ही कारवाई मंगळवार दि. ९रोजी सकाळी करण्यात आली.सदर आरोपीस न्यायालयासमोर हजर केले असता न्यायालयाने दोन्ही आरोपीस ०२ दिवसाची पोलिस ( एक्साईज ) कस्टडी सुनावली आहे .
कारवाई दरम्यान आरोपी मिथुन हरिबा चव्हाण व सुरेश शंकर राठोड (रा.मुळेगाव तांडा ता.द. सोलापूर जि सोलापूर ) यांचेकडून एक चार चाकी वाहन तवेरा अंदाजे किंमत रु .२,२५,००० / - व १०० लीटर क्षमतेच्या ११ रबरी ट्युबमध्ये एकूण ११०० लिटर गावठी दारु अंदाजे किंमत रु .५५,००० / - असे एकूण रु .२,८०,००० / - किंमतीचा मुद्देमाल जप्त करुन सदर आरोपी विरुद्ध गुन्हा नोंद करून सदर आरोपीस न्यायालयासमोर हजर केले असता न्यायालयाने दोन्ही आरोपीस ०२ दिवसाची पोलिस ( एक्साईज ) कस्टडी सुनावली आहे.