परंडा / प्रतिनिधी : -
तालुक्यातील मौजे भोंजा हवेली येथे सिना - कोळेगाव प्रकल्प कंडारी शाखा कॅनल च्या अंतर्गत उन्हाळी आवर्तन देऊन शेतकऱ्यांना शनिवार दि.१४ रोजी पाणी सोडल्याने आनंदोत्सव व भोंजा येथील कॅनल च्या पाण्याचे पुजन विलास दशरथ नेटके लाभ धारक शेतकरी यांच्या हस्ते करण्यात आले.
सिना - कोळेगाव प्रकल्पातून सोडण्यात आलेल्या कंडारी कॅनॉलचे पाणी तालुक्यातील सोनारी, कंडारी, भोंजा ,कुभेंजा ,ईनगोदा, अनाळा, मुगांव येथील शेतकरी लाभार्थी यांना कडाक्याच्या उन्हात उन्हाळी हंगामातील पिकांना पाणी व पशु पक्षी , प्राणी, जनावरांना या पाण्याचा फायदा होणार आहे.
या प्रसंगी सिना - कोळेगाव प्रकल्पाचे कार्यकारी अभियंता जोशी , JE राजगुरू ,JE पाटील, गवळी डी.व्ही,जोशी यांनी प्रकल्पातून सोडलेल्या पाणी संदर्भात सविस्तर माहिती दिली.यावेळी डायरेक्टर लघुउद्योग सल्लागार गणेश नेटके, देविदास सरवदे, अमोल नेटके, रोहित नेटके, सुजित नेटके आदि शेतकरी उपस्थित होते.