उस्मानाबाद / प्रतिनिधी-
महाराष्ट्र पोलिस दलातील कर्तव्यादरम्यान उल्लेखनीय कामगिरी करणाऱ्या पोलिस अधिकारी, अंमलदारांना दरवर्षी पोलिस महासंचालकांचे सन्मानचिन्ह पोलिस महासंचालकांच्या वतीने जाहीर करण्यात येते.
पोलिस विभागात सलग १५ वर्षे उत्तम सेवा केल्याबद्दल २०२० चे सन्मानचिन्ह व प्रशस्तिपत्र उस्मानाबाद पोलिस दलातील संजय सुबराव बाबर (पोलिस निरीक्षक, जिल्हा विशेष शाखा), शांताराम बबन वाघमोडे(राखीव पोलिस निरीक्षक, पोलीस मुख्यालय), इजहार अहमद शेख ( पोहेकॉ, येरमाळा), वाहेद गफुर मुल्ला (पोहेकॉ,उस्मानाबाद ग्रामीण पाेलिस ठाणे) यांना ३० एप्रिल रोजी जाहीर झाले होते.गुरूवारी पोलीस अधीक्षक कार्यालयात पोलीस अधीक्षक राजतिलक रौशन यांच्या हस्ते 27 मे रोजी चौघांना सन्मानचिन्ह, प्रशस्तीपत्र देऊन सन्मानित करण्यात आले. यावेळी अप्पर पोलीस अधीक्षक संदीप पालवे उपस्थित होते.