जिला संवाददाता । उस्मानाबाद
उस्मानाबाद तालुक्यातील आळणी येथील स्वाधार मतीमंद मुलींच्या बालगृहात मदत करण्याचे आवाहन जि. प. चे मुख्यकार्यकारी अधिकारी विजयकुमार फड यांनी केले होते. त्याच्या आवाहनास प्रतिसाद देऊन जि. प. च्या पशुचिकीत्सा व्यावसायाच्या संघटनेने दिलेल्या वस्तुंची भेट जि. प. चे मुख्यकार्यकारी अधिकारी डॉ. विजयकुमार फड यांच्या हस्ते नुकतेच देण्यात आली.
स्वाधार मतीमंद मुलीच्या बालसुधारगृहास अलीकडेच भेट दिली होती.त्या भेटी दरम्यान बालसुधारगृहास आवश्यक असणा-या सोयी-सुविधांची पाहणी केली होती.सुधारगृहासाठी सोयी-सुविधा सामाजिक बांधिलकीचा भाग म्हणून मोफत पुरविण्याबाबतचे आवाहन जिल्हा परिषद अंतर्गत कार्यरत विविध अधिकारी-कर्मचारी संघटनांना केले होते.या आवाहनास प्रतिसाद म्हणून जिल्हा परिषद पशुसंवर्धन विभागाअंतर्गत पशुचिकीत्सा व्यावसायी संघटनेच्यावतीने स्वाधार मतीमंत मुलीचे बाल सुधारगृहास जेवणासाठी ताट-ग्लास अशा 101 संच डॉ.फड याच्या हस्ते देण्यात आला.
कार्यक्रमास जिल्हा पशुसंवर्धन अधिकारी डॉ. नामदेव आघाव, श्री. जहागीर शेख, पशुचिकीत्सा व्यावसायी संघटना जिल्हा उस्मानाबाद, संघटनेचे पदाधिकारी सर्वश्री पोपट सरपने, शिवाजी मानकुळे, गायकवाड ए. एम. तसेच स्वधार मंतीमंद मुलीचे बालसुधारगृहातील कर्मचारी श्रीमती रेणुका कुदळे, व श्रीमती नीता ढगे तसेच पशुधन विकास अधिकारी श्री. आर. आर. ढवळशंख, पशुसंवर्धन विभागाचे सहाय्य प्रशासन अधिकारी श्री. विजयकुमार देशमुख व कर्मचारी उपस्थित होती.
स्वाधार मंतीमंद मुलीचे बालसुधारगृहातील कर्मचारी यांनी या साहित्य वाटपाबद्दल डॉ.फड आणि जिल्हा पशुसंवर्धन अधिकारी डॉ.नामदेव आघाव तसेच पशुचिकीत्सा व्यावसायी संघटनेचे आभार मानले आहेत.