उस्मानाबाद जिल्हा व परिसरात मंगळवार दि.1२ रोजी वेळ (मार्गशीर्ष) अमावस्या पारंपरिक पध्दतीने शेतातपुजा करुन शेतभोजणाचा आस्वाद घेत साजरी केली गेली. यंदा समाधानकारक पाऊस झाल्याने शेतशिवार हिरवेगार झाले होते त्यामुळे यंदा बळीराजाने उत्साहात वेळअमावस्या साजरी केली .
दुपार नंतर व्यापारी वर्गाने दुकाने बंद करुन शेतजेवनाचा आस्वाद घेतला त्यामुळे दुपारी शहरातील वर्दळ कमी होती. .शेतात झाडाखाली कडब्याच्या पेंड्या झाडाच्या बाजुने गोल आकारात लावल्या वर पाच पांडव ,कर्ण,द्रौपदी असे देव तयार केले गेल्यानंतर त्यांना पांढ-या चुन्याने रंगवीले .समोर हिरवा कपडा ठेऊन त्यावर लक्ष्मीची पुजा मांडली गेली नंतर शेतात पिकलेल्या धान्याच्या सहाय्याने तयार केलेले पदार्थांनी उदा.भजी (भाजी), बाजरीचे कणीकीचे उंडे,अंबील (आंबट ताक), वांग्याचे भरीत,शेंगदाण्याचे लाडू,खीर ,केळी,पेरु,बोरं,ऊस वगैरे नैवेद्य म्हणुन ठेवले .नारळ फोडल्यात आले नंतर कोप व झाडाभोवती हर हर महादेव असा नामघोष करीत अंबिल शिंपडले गेले नंतर म्हसोबा व इतर देवांची पुजा केली.मग सर्व मित्र मंडळींना घेऊन वनभोजन आस्वाद घेतला . दिवसभर म्हवाळ शोधणे यात मोठी मुलं मग्न झाले होते. आज वेळअमावस्या पार्श्वभूमीवर शेतशिवारे शहरीभागातील लोकांनी गजबजुन गेली होती.