प्रतिवर्षाप्रमाणे यावर्षीदेखील अक्षरवेल महिला साहित्य मंडळाने नूतन वर्षानिमित्त दिनदर्शिका प्रकाशित केली असून यावेळी आपल्या सासू वरील कविता दिनदर्शिकेवर विराजमान आहेत. या अनोख्या दिनदर्शिकेचे प्रकाशन माजी प्राचार्य डॉ.अनार साळुंखे यांच्या हस्ते झाले .
यावेळी अक्षरवेल महिला साहित्य मंडळाच्या अध्यक्षा रेखाताई ढगे ,किरण देशमाने ,ज्योती कावरे, सुनिता गुंजाळ ,डॉ.अस्मिता बुरगुटे, अनिता पडवळ, डॉ. सोनाली दीक्षित ,सुमित्रा आटपलकर, अर्चना गोरे अनिता गोरे ,यांची प्रमुख उपस्थिती होती .
यावेळी बोलताना मा.प्राचार्य डॉ अनार साळुंखे म्हणाल्या की नात्यांमध्ये मतभेद असतात पण मनभेद नसावा. या अंकुर दिनदर्शिकेच्या मुख्य प्रवर्तक सौ रेखा ढगे यांनी सासू-सून नात्यातील विविध गंमतीजमती कथन केल्या ,व सासू म्हणजे घराचे मांगल्य असल्याचे सांगितले .तर डॉ.सोनाली दीक्षित यांनी यावेळी एक कथा सादर केली. या कार्यक्रमाला उपस्थित असलेल्या सासुबाई श्रीमती सुमन ढगे सौ सुनंदा बुरगुटे तसेच यशस्वी उद्योजिका किरण देशमाने यांचा सत्कार करण्यात आला. या कार्यक्रमाचे सूत्रसंचालन सुनिता गुंजाळ यांनी केले तर आभार सौ रेखा ढगे यांनी मानले