तेर (प्रतिनिधी)
सर्व शासकीय निम-शासकीय संस्था, स्वयंसेवी संस्था, शाळा, महाविद्यालये, व्यावसायीक, पत्रकार बंधु यांना कळविण्यात येते की, महाराष्ट्र शासनाने पर्यावरण रक्षणाच्या अनुषंगाने राज्यात दिनांक ०१.०१.२०२१ पासून पृथ्वी, वायू, जल, अग्नी, आणि आकाश या निसर्गाशी संबंधित पंचतत्वांवर माझी वसुंधरा हे अभियान सुरू केले आहे. यामध्ये नागरिकानी सहभागी व्हावे असे आवाहन तेरचे ग़ामविकास अधिकारी प़शात नाईकवाडी यांनी केले आहे.
राज्यातील प्रत्येक नागरीकांनी दि. १ जानेवारी, २०२१ पासून पर्यावरण रक्षणाच्या अनुषंगाने “हरित शपथ” घेवून त्याची अंमलबजावणी करणे अपेक्षित आहे. सदर हरित शपथ https://majhivasundhara.in या वेब पोर्टलवर Take your Epledge now येथे अथवा #Epledge येथे क्लिक करून ग्रुपने अथवा वैयक्तीकरित्या घेता येणार आहे. वेब पोर्टलवर हरित शपथ नोंद केल्यावर तुम्हाला छानसे प्रमाणपत्र ऑनलाईन प्राप्त होईल. तरी आपण स्वत: ऑनलाईन शपथ घ्यावी व आपले संपर्कातील नागरीक, सर्व शासकीय निम-शासकीय संस्था, स्वयंसेवी संस्था, शाळा, महाविद्यालये यांना वेब पोर्टलवर ऑनलाईन शपथ घेण्यासाठी प्रवृत्त करावे. जास्तीत जास्त नागरीकांनी शपथ नोंदवल्यास तेर गावास चांगले गुणांकन मिळणार आहे.
तरी आपण सर्वांनी माझी वसुंधरा अभियानात सहभाग नोंदवावा यासाठी https://majhivasundhara.in या वेब पोर्टलवर Take your Epledge now येथे अथवा #Epledge येथे क्लिक करून ग्रुपने अथवा वैयक्तीकरित्या शपथ घ्यावी,असे आवाहन तेरचे ग्रामविकास अधिकारी प्रशांत नाईकवाडी यांनी केली आहे.