मल्टिस्टेट व पतसंस्थेच्या अध्यक्षांच्या राज्यस्तरीय सेमिनारला उस्मानाबादेत चांगला प्रतिसाद मिळाला. यशदा मल्टिस्टेट व शिंदे, चव्हाण, गांधी अँड कंपनीतर्फे अायोजित सेमिनारमध्ये वित्तिय घडमोडींचे मार्गदर्शन करण्यात आले.
मल्टिस्टेट व पतसंस्थाचे अध्यक्ष सेमिनारसाठी राज्याच्या विविध जिल्ह्यातून आले होते. सेमिनारची सुरुवात दीप प्रज्वलन करून करण्यात आली. तसेच विविध भागातून आलेल्या चेअरमनचे स्वागत व सत्कार करण्यात आला. या कार्यक्रमाचे अध्यक्षस्थानी वसंत नागदे होते. दत्ताभाऊ कुलकर्णी, जयराजे निंबाळकर, अभिनाथ शिंदे, सचिन शिंदे, सुधीर सस्ते आदी उपस्थित होते. सेमिनारमध्ये महाराष्ट्रातील अनेक जिल्ह्यातील चेअरमन उपस्थित होते. यावेळी उपस्थितांना खासगी लेखा परीक्षक मोसिन शेख, प्रवीण प्रजापती, विशाल चव्हाण यांनी मार्गदर्शन केले. कार्यक्रमाचे सूत्रसंचालन पूजा लड्डा यांनी केले. यावेळी विविध वित्तीय घडामोडी तसेच हिशोब व योजनांमध्ये झालेल्या बदलांची माहिती सांगण्यात आली.