तालुक्यात ५३ ग्रामपंचायतच्या निवडणुका होत असुन त्यापैकी चार ग्रामपंचायती बिनविरोध निघाल्या असुन धनेगाव ग्रामस्थांनी मतदानावर बहिष्कार टाकल्याने आता ४८ ग्रामपंचायतीसाठी प्रत्यक्ष मतदान होत आहे.
यामध्ये तालुक्यातील आ. राणाजगजितसिंह पाटील व काँग्रेसचे माजी आ. मधुकर चव्हाण या पारंपरिक गटामध्येच स्थानिक आघाड्या करुन ऐकमेकांना शह देण्यासाठी जोरदार मोर्चाबांधणी सुरु आहे.
तुळजापूर तालुक्यात आजपर्यत माजी आ. मधुकर चव्हाण विरुध्द विद्यमान आ. राणजगजितसिंहजी पाटील या गटातच आघड्या करुन निवडणुका लढवल्या गेल्या आहेत. माञ या वर्षी राज्यस्तरावर तयार झालेल्या राजकिय समीकरण पार्श्वभूमीवर बहुतांशी ठिकाणी महाविकास आघडीतील पक्ष, राष्ट्रवादी, काँग्रेस, शिवसेना यांनी आघाड्या करुन यानिवडणुकीत उतरली आहे .
काही ठिकाणी गावातील विरोधकाचा काटा काढायाचा या एकाच उद्दैशाने भाव-भावकि पाहुणे- रावळे याची समीकरणे जुळवत स्थानिक आघाड्या मजबुत झाल्याचे दिसत आहे. यात पक्ष गटतट यांना तिलाजंली दिल्याचे दिसुन येत आहे.
या निवडणुकीत आघाड्यांना पक्षांची झालर दिसत आहे तुळजापूर तालुक्यातील राजकिय दृष्ट्या महत्त्वाचा मानल्या जाणाऱ्या जळकोट, तामलवाडी, अणदूर, मंगरुळ येथील ग्रामपंचायतच्या निवडणुका आघाड्यांचा माध्यमातून लढल्या जात असल्या तरी या आघाड्यांचे प्रेरणा स्ञोञ राजकिय पक्ष व त्यांचे प्रमुख नेते आहे. मी नाही त्यातली कडी लावा आतली या म्हणी प्रमाणे नेते यानिवडणुका लढवत आहे.
सध्या तरी डोर टु डोर असा प्रचार सुरु असला तरी जसजशी मतदान दिन जवळ येईल तसतस विजयासाठी सर्वतंञांचा अवलंब होण्याची मोठी शक्यता आहे