उमरगा / प्रतिनिधी:
प्रतीवर्षी जानेवारीत संक्रातर निमीत्त उमरगा तालुक्यातील डिग्गी येथे भरणारी विरभद्रेश्वरची यात्रा कोरोनामुळे रद्द करण्यात आली आहे. अनेक वर्षापासून अखंडपणे सुरू असलेली विरभद्रेश्वर देवतेची यात्रा कोरोनाचे अद्याप असणारा प्रभाव पाहता रद्द करण्याचा निर्णय विरभद्रेश्वर पंचकमिटीच्या वतीने जाहीर करण्यात आले आहे. यात्रेच्या दिवशी करण्यात येणारी पारंपारिक विधी व पुजा हा मोजक्या भक्तांच्या उपस्थितीत साजरा करण्यात येणार आहे.
उमरगा तालुक्यातील डिग्गी येथील ग्रामदैवत विरभद्रेश्वर यात्रा महोत्सवानिमित्त दोन दिवस विविध धार्मिक व सांस्कृतिक कार्यक्रम होतात. डिग्गी गाव हे महाराष्ट्र- कर्नाटक सिमावर्ती भागात वसले असून ग्रामदैवत विरभद्रश्वरांच्या यात्रेनिमित्त प्रतिवर्षी भव्य यात्रा भरते. यात्रा महोत्सवात विविध धार्मिक, सामाजिक कार्यक्रम घेण्यात येतात. मकर संक्रांतीपासून यात्रा महोत्सवाला सुरूवात होत असते. यामध्ये पहिल्या दिवशी भद्रकाली लग्नसोहळा, श्रीच्या पालखी व काठीच्या मिरवणूक, हजारो भाविकांचा अग्नीप्रवेश तर दुसऱ्या दिवशी मानाच्या रथाची मिरवणूक, फटाक्यांची आतिषबाजी व जंगी कुस्त्यांच्या फडाने यात्रेची सांगता होते. कर्नाटक व महाराष्ट्र सीमेवर असल्याने कर्नाटकातील व महाराष्ट्रातील भाविक भक्त मोठया संख्येने यात्रेत सहभागी होत असतात. अनेक वर्षापासून अखंडपणे सुरू असलेली विरभद्रेश्वर देवतेची यात्रा कोरोनाचे अद्याप असणारा प्रभाव पाहता रद्द करण्याचा निर्णय विरभद्रेश्वर पंचकमिटीच्या वतीने घेण्यात आला आहे. यात्रेच्या दिवशी करण्यात येणारी पारंपारिक विधी व पुजा हा मोजक्या भक्तांच्या उपस्थितीत साजरा करण्यात येणार आहे.व्यापाऱ्यांनी विरभद्रेश्वर मंदीराच्या परिसरात मिठाईचे दुकान, हॉटेल, केळीचे व्यापारी हळदी कुंकवाचे व्यापारी, स्टेशनरी, नारळ व इतर छोटे-मोठे व्यापाऱ्यांनी आपली दुकाने घेऊन येऊ नये. कोरोनामुळे यात्रा रद्द झाल्याने भाविक भक्तांनी यात्रेला येऊ नये असे अवाहन कमिटीचे अध्यक्ष सिद्धाराम कवठे व संयोजक युवराज कर्पे यांनी केले आहे.