येथील रामकृष्ण परमहंस महाविद्यालयात बी.काॅम भाग१ व बी.एस्स.सी भाग १साठी फक्त एकच तुकडी होती त्यामुळे उस्मानाबाद शहरातील व परिसरातील अनेक विदयार्थी प्रवेशापासून वंचित राहत होते. याकरिता महाविद्यालयाने बी.काॅम भाग १व बी.एस्सी.भाग १ साठी अतिरिक्त तुकडी मिळावी म्हणून डाॅ.बाबासाहेब आंबेडकर मराठवाडा विद्यापीठ औरंगाबाद मार्फत महाराष्ट्र शासनाकडे प्रस्ताव सादर केला होता.
या प्रस्तावास महाराष्ट्र शासनाने मंजुरी देऊन शैक्षणिक वर्ष 2020 - 21 पासून बी.कॉम्. भाग- 1 व बी.एस्सी. भाग-1 या वर्गाच्या अतिरिक्त तुकडी सुरु करण्याकरिता परवानगी दिली आहे. तरी बी.कॉम्. भाग-1 व बी.एस्सी. भाग-1 या वर्गामध्ये प्रवेश घेऊ इच्छिणाऱ्या विध्यार्थ्यांनी महाविद्यालयाशी संपर्क साधावा असे आवाहन महाविद्यालयाचे प्राचार्य डॉ. जयसिंगराव देशमुख यांनी केले आहे.