उमरगा तालुका महाराष्ट्र राज्य कास्ट्राईब कर्मचारी कल्याण महासंघाच्या तालुका अध्यक्ष पदी राहुल कांबळे यांची तर सचिव पदी बालाजी गायकवाड व कार्याध्यक्ष पदी इंद्रकुमार सरवदे यांची एकमताने निवड करण्यात आली.तालुका कार्यकरणीची बैठक जिल्हा अध्यक्ष दिलीप शितोळे यांच्या अध्यक्षतेखाली रविवारी दि 8 रोजी शहरातील शासकीय विश्राम गृहात घेण्यात आली या वेळी तालुका कार्यकारिणीचे पुनर्गठन करण्यात आले.
या वेळी जिल्हा कार्याध्यक्ष काशीनाथ माने, प्रभारी शिक्षण सचिव बी.के.सूर्यवंशी एल.सी.राठोड, एम.ए.कांबळे आदींची उपस्थिती होती. महाराष्ट्र राज्य कास्ट्राईब कर्मचारी कल्याण महासंघ या संघटनेच्या वतीने राज्यातील एस सी.एसटी,एन टी, व्हीजे एन टी, मायनोरेटी,ओबीसी, अल्पसंख्याक समाजातील कर्मचारी यांच्या हिता साठी व त्यांच्या वर होत असलेल्या अन्यायाविरुद्ध लढा देण्यासाठी संघटनेच्या माध्यमातून काम केले जाते संघटनेचे राज्यभर जाळे असून प्रत्येक कर्मचारी या संघटनेच्या बॅनर खाली येऊन समाजातील विविध समस्या सोडवण्यासाठी प्रयत्न करावेत असे मत जिल्हा अध्यक्ष शितोळे यांनी व्यक्त केले.
संघटनेच्या उमरगा तालुका अध्यक्ष पदी राहुल कांबळे, कार्याध्यक्ष पदी इंद्रकुमार सरवदे तर सचिव पदी बालाजी गायकवाड यांची सर्वानुमते निवड केल्यानंतर त्याचा सत्कार करण्यात आला.बैठकीस उमरगा तालुक्यातील शासकीय, निमशासकीय, खाजगी संस्था, आश्रम शाळा , जिल्हा परिषद शिक्षण व आरोग्य विभागातील कर्मचारी मोठ्या संख्येने उपस्थित होते.
या वेळी कुमार कांबळे, वंदना गायकवाड, गोपाळ गेडाम, देविदास पावशेरे, सुधीर कांबळे, प्रेमकला व्हनताळकर, बालाजी राऊलवार, ए. एम. रेणके, सुशीलकुमार चौगुले, शेषेराव बोईनवाड, उस्मान मुजावर, शेषेराव गायकवाड, जी.एल.कांबळे, आर. डी. अरणे, डी. आर. काजळे, व्ही. व्ही. कांबळे, बालाजी खुडे, एस. एन. आमले, व्ही. बी. असोले, व्ही.जी. कांबळे, एस.एस. सगर आदीनी संघटनेच्या बांधणीसाठी योगदान देण्याचे सांगितले.कार्यक्रमाचे संचालक बालाजी गायकवाड यांनी केले आभार सुधीर कांबळे यांनी मानले.