कळंब /प्रतिनिधी-
कळंब तालुका पत्रकार संघाच्या वतीने पत्रकारितेच्या क्षेत्रात उल्लेखनीय काम करणा-या पत्रकारांचा गौरव करण्यात येत असुन सन २०१८-१९ चे पत्रकारीता पुरस्कार विश्वस्त सतिश टोणगे यांनी नुकतेच जाहीर केले आहेत.
कळंब तालुका पत्रकार संघाच्या वतीने सलग २० वर्षापासून पत्रकारितेच्या क्षेत्रात उल्लेखनीय काम करणा-या पत्रकारांचा गौरव करण्यात येत आहे. त्यामुळे उस्मानाबाद जिल्ह्यात हा मानाचा पुरस्कार समजला जात आहे. पुरस्कार निवड करण्याच्या संदर्भात दिनांक २७ नोव्हेंबर रोजी जेष्ठ पत्रकार माधवसिंह राजपुत यांच्या अध्यक्षतेखाली बैठक घेण्यात आली आहे. यावेळी कै. शिवशंकर (बप्पा) घोंगडे जिल्हास्तरीय पत्रकारिता पुरस्कार अॅड. उपेंद्र कटके
(दैनिक दिव्य मराठी, उस्मानाबाद), साप्ताहीक पावनज्योत चे संपादक कै. शि.म. ज्ञानदेव मोहेकर राज्यस्तरीय पत्रकारिता पुरस्कार मेघराज पाटील (एबीपी माझा वृत्त वाहिनी डिजीटल संपादक), कै. रा. ई. काकडे पुरस्कार शहाजी फुरडे पाटील (दैनिक लोकमत, बार्शी), कै. गणेश घोगरे ग्रामीण पत्रकारिता पुरस्कार आनंत खर्डेकर (दैनिक सकाळ, परंडा) कलागौरव पुरस्कार तालमनी प्रताप आवाड, रुग्णसेवा पुरस्कार डॉ. रमेश जाधवर, समाज सलोखा पुरस्कार जगदंब प्रतिष्ठान (शेळका धानोरा, कळंब), उत्कृष्ट पत्रकार संघ पुरस्कार सक्रिय पत्रकार संघ (केज) यांना जाहीर करण्यात आला असुन यांना देण्यात येणार असुन लवकरच विविध मान्यवरांच्या हस्ते पुरस्कार वितरण करण्यात येणार आहे, अशी माहिती पत्रकार संघाचे विश्वस्त सतीश टोणगे व अध्यक्ष शितलकुमार घोंगडे यांनी दिली आहे. यावेळी सर्व पत्रकार यांनी निवड करण्यात आलेल्या पुरस्कार प्राप्त पत्रकार यांचे अभिनंदन केले.
कळंब /प्रतिनिधी-