लोहारा/प्रतिनिधी
लोहारा तालुक्यातील जेवळी येथील ग्रामदैवत महात्मा बसवेश्वरांच्या यात्रेला दि.7 मे पासून सुरुवात होत आहे. या यात्रेनिमित्त सालाबात प्रमाणे तीन दिवस विविध धार्मिक, सांस्कृतीक कार्यक्रमाचे आयोजन करण्यात आले आहे.
समतेचे पुजारी व वीरशैव सामाजाचे श्रद्धास्थान असेल्या महात्मा बसवेश्वरांचे या परिसरात येथे एकमेव व पुरातन मंदिर आहे. अनेक वर्षापासून येथे महात्मा बसवेश्वरांची जयंती ही अक्षयतृतीयापासून तीन दिवस यात्रेच्या स्वरुपात साजरी केली जाते. ही यात्रा यावर्षी दि.7 मे ते दि.9 मे या कालावधीत पार पडत आहे. या परिसरात ही यात्रा मोठ्या स्वरुपात साजरी होते. उस्मानाबाद, लातूर, सोलापूरसह गुलबर्गा, विजापूर जिल्ह्यातील भाविक यावेळी मोठ्या प्रमाणात सहभागी होतात. दि.7 मे रोजी बसवेश्वरांच्या जयंतीदिनी पहाटे पाच वाजता बसवेश्वर मंदिरातील शिवलिंगास महाभिषकानी या यात्रेला प्रारंभ होत आहे. तर आठ वाजता 151 बैलजोड्याची गावातून सालाबाद प्रमाणे सवाद्य मिरवणुक काढण्यात येणार आहे. या नंतर मंदिरा समोरील मैदानावर जिल्हा स्तरीय पशु प्रदर्शन व उत्कृष्ट पशुधनास बक्षिसांचे वाटप होईल. दुपारी एक वाजता बसवेश्वरांच्या चरित्रावर पोवाड्यांचा कार्यक्रम होणार आहे. संध्याकाळी सात ते रात्री नऊ या काळात सिंदुदुर्ग येथील कलाकारांचे नाटकीय होणार आहेत. तर रात्री दहावाजता बसवेश्वरांचे अक्षता सोहळा व मंदिर परिसरातील नंदी कट्ट्यावर अग्नीप्रज्वलन कार्यक्रम होईल.
यात्रेच्या दुसऱ्या दिवशी दि.8 मे रोजी सकाळी आठ वाजता नंदीध्वज आणि बसवेश्वरांच्या पालकीसह गावातील मुख्य रस्त्यावरुण सवाद्य मिरवणुक,अकरा वाजता नदिकोलासह अग्नीस्पर्श व विविध ठिकाणाहून आलेल्या पुरंताकडून शस्त्र खेळण्याचा कार्यक्रम तर दुपारी दोन ते पाच या काळात भारुडाची जुगलबंदी पार पडणार आहे. रात्री नऊ वाजता सजविलेल्या नंदी ध्वजासह छबिना मिरवणुक निघेल या मिरवणुकीत पालखी, घोडे, लेझीम, हलगी, विविध वाद्यसह कोकण फेस्टिवल कलाकाराचा देखावे यात सहभागी असतील. रात्री अकरा वाजता शोभेचे दारु काम बसवेश्वर विद्यालयाच्या मैदानावर पार पडणार आहे.
यात्रेच्या तीसऱ्या दिवशी दि.9 मे रोजी सकाळी दहा ते तीन पर्यंत पोवाड्याचा कलगीतुरा होणार असून, दुपारी तीन पासून कुस्त्यांची दंगल पार पडनार. रात्री नऊ वाजता कोल्हापुर येथील ललकार आँर्केस्टरा यात्रा समिती कडून सादर होणार आहे.
दरम्यान 4 ते 6 मे या कालावधीत यात्रा समतीच्या वतिने राज्यस्तरीय नृत्य स्पर्धा आयोजित करण्यात आली आहे. या यात्रे निमित्त होणार विविध कार्यक्रमचा लाभ सर्वानी घ्यावा असे आवाहन यात्रा कमिटीचे अध्यक्ष बसवराज कारभारी व सचिव मल्लिनाथ डिग्गे यांनी केले आहे.