धाराशिव (प्रतिनिधी)- महाराष्ट्र शासनाच्या वतीने तुळजापूर विधानसभा मतदारसंघस्तरीय ‘छत्रपती शिवाजी महाराज महाराजस्व अभियान' अंतर्गत समाधान व महाआरोग्य शिबिराचे आयोजन मंगळवार,दि.28 जुलै 2026 रोजी सकाळी 10 वाजता नळदुर्ग रोडवरील बंध मंगल कार्यालय, तुळजापूर येथे करण्यात आले आहे.या शिबिरास नागरिकांनी मोठ्या संख्येने उपस्थित राहून विविध शासकीय योजनांचा लाभ घ्यावा, असे आवाहन करण्यात आले आहे.
या शिबिराचे उद्घाटन आमदार रणाजगजितसिंह पाटील (विधानसभा सदस्य,तुळजापूर) यांच्या हस्ते होणार असून,जिल्हा परिषदेच्या अध्यक्षा अर्चनाताई पाटील या प्रमुख पाहुण्या म्हणून उपस्थित राहणार आहेत.
कार्यक्रमास लोकसभा सदस्य ओमप्रकाश राजेनिंबाळकर यांची प्रमुख उपस्थिती लाभणार आहे.तसेच विधान परिषद सदस्य बसवराज पाटील,विक्रम काळे आणि सतीश चव्हाण,जिल्हाधिकारी कीर्ती किरण पुजार,मुख्य कार्यकारी अधिकारी प्रियंवदा म्हाडदळकर,पोलीस अधीक्षक रितू खोखर,अपर जिल्हाधिकारी ज्योती पाटील,निवासी उपजिल्हाधिकारी विद्याचरण कडवकर,तुळजापूर नगर परिषदेचे नगराध्यक्ष विनोद गंगणे तसेच नळदुर्ग नगर परिषदेचे नगराध्यक्ष बसवराज धरणे,तुळजापूर पंचायत समितीचे सभापती विक्रमसिंह देशमुख, यांची उपस्थिती राहणार आहे. या समाधान व महाआरोग्य शिबिरात विविध शासकीय विभागांच्या योजनांची माहिती, नागरिकांच्या तक्रारींचे निवारण, अर्जांचा स्वीकार,तसेच आरोग्यविषयक सेवा व तपासण्यांची सुविधा उपलब्ध करून दिली जाणार आहे. मंगळवार,दि.28 जुलै 2026 रोजी सकाळी 10 वाजता वंश मंगल कार्यालय,नळदुर्ग रोड,तुळजापूर येथे आयोजित या शिबिराचा नागरिकांनी लाभ घ्यावा,असे आवाहन उपविभागीय अधिकारी ओंकार देशमुख यांनी केले आहे.