धाराशिव (प्रतिनिधी)- बंद पडलेल्या पेट्रोल पंपामध्ये दरोडा टाकण्याचे तयारीत असणारे आरोपींना स्थानिक गुन्हे शाखेने गजाआड केले आहे.
याबाबत अधिक माहिती अशी की, येरमाळा व कळंब हददीत हायवेवरून जाणारे वाहनांची आडवुन लुटमार होण्याचे प्रमाण वाढल्याने स्थानिक गुन्हे शाखेचे पथक रात्रगस्त पेट्रोलिंग करीत असताना कळंब ते केज जाणारे रोडचे बाजुस कळंब शहरातील व्दारकानगरीचे जवळ बंद असलेल्या पेट्रोलपंपामध्ये दोन पिकअप वाहन व काही इसम थांबलेले दिसले. पथकाचे वाहनास पाहुन काही इसम तेथुन पळण्याचे तयारीत असताना त्यांना पथकातील पोलीस अंमलदार यांनी जागेवरच पकडले. त्या सर्वांना ताब्यात घेवुन त्यांचेकडे तेथे थांबण्याचे कारण व नावाबाबत विचारपुस केली असता त्यांनी सुरवातीस उडवाउडवीचे उत्तरे दिली. त्यांना अधिक विश्वासात घेवुन त्यांचेकडे विचारपुस केली असता त्यांनी त्यांची नावे याप्रमाणे चंदर भास्कर काळे, सुभाष ऊर्फ हरी भास्कर काळे, शामसुंदर बिभीषण काळे रा. कन्हेरवाडी पाटी ता. कळंब, नवनाथ अनिल शिंदे, राहुल अनिल शिंदे रा. लक्ष्मी पारधी पिढी तेरखेडा ता. वाशी, बालाजी माणिक काळे शिराढोण, दत्ता हिरा पवार रा.लोहटा पुर्व ता. कळंब असे सांगीतले. त्यांनी सांगीतलेले नावाबाबत पथकास संशय वाटल्याने त्यांची माहिती घेतली असता त्यांचेवर यापूर्वी गंभीर स्वरूपाचे गुन्हे दाखल असल्याचे दिसले. त्यांचेवर जास्त संशय वाढल्याने पथकाने पंचासमक्ष सदर दोन पिकप वाहनाची पाहणी केली असता आतमध्ये दरोडा टाकण्याचे साहित्य, एक लोखंडी धारदार तलवार, एक स्टीलचा रॉड, 04 मोबाईल मिळुन आले पिकअप वाहनासह एकुण 10 लाख 89 हजार रूपयांचा मुददेमाल जप्त करुन आरोपीविरूध्द पोलीस ठाणे कळंब येथे गुन्हा दाखल केला आहे. नमुद आरोपीतांचे अभिलेखाची पाहणी केली असता त्यांचेवर दरोडा, जबरी चोरी, वाहन चोरी असे मालाविषयी चे गंभीर गुन्हे दाखल आहेत.
यांनी केली कारवाई
ही कारवाई जिल्हा पोलीस अधिक्षक रितु खोखर, अपर पोलीस अधिक्षक शफकत आमना यांचे मार्गदर्शनाखाली स्थानिक गुन्हे शाखेचे पोलीस निरीक्षक विनोद इज्जपवार, सहाय्यक पोलिस निरीक्षक सचिन खटके, विनोद जानराव, नितीन जाधवर, बबन जाधवर, अमोल निंबाळकर, दयानंद गादेकर, बळीराम शिंदे, अशोक ढगारे, पुष्कर मुंगळे, महेबुब अरब, प्रकाश बोईनवाड यांच्या टीमने केली आहे.