तुळजापूर (प्रतिनिधी)- राज्याचे गृहराज्यमंत्री (ग्रामीण) डॉ. पंकज भोयर यांनी सहकुटुंब श्री तुळजाभवानी देवींचे दर्शन घेतले.
श्री तुळजाभवानी मंदिर संस्थानच्या वतीने तहसीलदार तथा व्यवस्थापक (प्रशासन) माया माने यांनी श्री तुळजाभवानी देवींची प्रतिमा, कवड्याची माळ व महावस्त्र भेट देऊन मंत्री पंकज भोयर यांचा सहकुटुंब यथोचित सन्मान केला. तत्पूर्वी विश्वस्त तथा नगराध्यक्ष विनोद गंगणे यांनी गृहराज्यमंत्री डॉ. पंकज भोयर यांचे स्वागत केले. या प्रसंगी उपविभागीय पोलीस अधिकारी डॉ. निलेश देशमुख, सहायक पोलीस निरीक्षक अर्जुन चौधर, नागेश शितोळे, सहायक जनसंपर्क अधिकारी उमाकांत क्षीरसागर, सुजय मेश्राम, सुरक्षा निरीक्षक ऋषिकेश पाटील, श्रीकांत पवार तसेच श्री तुळजाभवानी मंदिर संस्थानचे अधिकारी व कर्मचारी उपस्थित होते.