धाराशिव (प्रतिनिधी)- AMOGS- Association of Maharashtra Obstetric and Gynaecological Societies या संघटनेच्या वतीने दिला जाणारा प्रतिष्टेचा ‘गुरुवर्य पुरस्कार' येथील ज्येष्ठ स्त्रीरोग तज्ज्ञ डॉ. आदिनाथ राजगुरू यांना प्रदान करण्यात आला.
डॉ. राजगुरू हे अध्यापन, वैद्यकीय सेवा व संशोधन या क्षेत्रांतील एक आदरणीय व्यक्तिमत्व असून त्यांनी आपल्या उल्लेखनीय कारकिर्दीत संयम, शहाणपण आणि निष्ठेने मार्गदर्शन करत त्यांनी वैद्यकीय व्यवसायातील प्रामाणिकपणा, शिस्त आणि करुणा यांचे संस्कार रुजवले आहेत. ते खऱ्या अर्थाने मार्गदर्शकत्वाचे मूर्तिमंत उदाहरण आहेत. वैद्यकीय क्षेत्रातील उत्कृष्टता, मानवी संवेदना आणि विज्ञानाप्रती अखंड बांधिलकी यांचे अद्वितीय मिश्रण त्यांच्या व्यक्तिमत्वात दिसून येते. सहकाऱ्यांकडून आदर व प्रेम मिळवलेले डॉ. राजगुरू हे वैद्यकीय क्षेत्रातील बळाचा स्तंभ ठरले आहेत. त्यांच्या आजीवन अध्यापनातील समर्पणासाठी, स्त्रीआरोग्य सेवेसाठी केलेल्या उल्लेखनीय कार्यासाठी आणि प्रसूतिशास्त्र व स्त्रीरोगशास्त्र क्षेत्रातील अनेक पिढ्यांना दिलेल्या प्रेरणेसाठी त्यांना हा मानाचा ‘गुरुवर्य पुरस्कार' प्रदान करण्यात आला. हा पुरस्कार AMOGS चे अध्यक्ष डॉ. किरण कुर्तकोटी आणि सचिव डॉ. बिपिन पंडित यांच्या हस्ते सोलापूर येथे नुकत्याच झालेल्या परिषदेत प्रदान करण्यात आला.