धाराशिव (प्रतिनिधी)- तुळजाभवानी नवरात्र महोत्सवामुळे दिनांक 06 ऑक्टोबर 2025 रोजी कोजागीरी पौर्णिमा व दिनांक 07 ऑक्टोबर 2025 रोजी मंदिर पौर्णिमा निमित्त महाराष्ट्रासह कर्नाटक, आंध्र प्रदेश, तेलंगणा राज्यातुन लाखोंच्या संख्येने भाविक पायी येत असतात. सदर नवरात्र महोत्सव कालावधीत तुळजापूर शहर व परिसरामध्ये भाविकांची मोठ्या प्रमाणावर गर्दी होते. अशा वेळी वाहतुकीची कोंडी होवु नये, भाविकांच्या सुरक्षिततेच्या दृष्टीने कोणत्याही प्रकारचा अपघात होऊन कायदा व सुव्यवस्थेचा प्रश्न निर्माण होवु नये, याकरीता भाविक पायी चालत येणारे मार्गावरील वाहने अन्य मार्गाने 4 ऑक्टोबर ते 7 ऑक्टोबरपर्यंत वळविण्यात आले आहेत.
याबाबत अधिक माहिती अशी की, जिल्हाधिकारी किर्ती किरण पुजार व पोलिस अधीक्षक रितु खोखर यांनी दिनांक 04 ऑक्टोबर 2025 रोजीचे 00:01 ते दिनांक 07 ऑक्टोबर 2025 रोजीचे 24:00 वा. दरम्यान खालील मार्गावरुन पथक्रमण करण्यास सर्व प्रकारच्या वाहनास मनाई करण्यात येत आहे.
या मार्गावर वाहतुकीस मनाई
छत्रपती संभाजीनगर ते हैद्राबादकडे जाणाऱ्या वाहतुकीला धाराशिव पासुन तुळजापूर व पुढे नळदुर्ग पर्यंत मनाई करण्यात येत आहे. हैद्राबाद ते छत्रपती संभाजीनगर डे येणाऱ्या वाहतुकीला नळदुर्ग पासुन तुळजापूर व पुढे धाराशिव पर्यंत मनाई करण्यात येत आहे. लातुर ते सोलापूरकडे जाणाऱ्या वाहतुकीला औसा पासुन तुळजापूर, तामलवाडी व पुढे सोलापूर पर्यंत मनाई करण्यात येत आहे. सोलापूर ते लातुरकडे येणाऱ्या वाहतुकीला सोलापूर पासुन तामलवाडी तुळजापूर व पुढे औसा पर्यंत मनाई करण्यात येत आहे. छत्रपती संभाजीनगर ते सोलापूरकडे जाणाऱ्या वाहतुकीला येरमाळा पासुन धाराशिव, तुळजापूर तामलवाडी व पुढे सोलापूर पर्यंत मनाई करण्यात येत आहे. सोलापूर ते छत्रपती संभाजीनगर कडे येणाऱ्या वाहतुकीला सोलापूर पासुन तामलवाडी, तुळजापूर धाराशिव व पुढे येरमाळा पर्यंत मनाई करण्यात येत आहे. तुळजापूर ते बार्शी कडे जाणाऱ्या वाहतुकीला तुळजापूर पासुन ढेकरी गौडगाव व पुढे बार्शी पर्यंत मनाई करण्यात येत आहे. बार्शी ते तुळजापूरकडे येणाऱ्या वाहतुकीला बार्शी पासुन गौडगाव ढेकरी व पुढे तुळजापूर पर्यंत मनाई करण्यात येत आहे.
याप्रमाणे राहील वाहतूक मार्ग
छत्रपती संभाजीनगर ते हैद्राबाद कडे जाणारी वाहतुक छत्रपती संभाजीनगर, बीड, मांजरसुंबा, अंबाजोगाई, लातूर, औसा, उमरगा मार्गे पुढे हैद्राबादकडे पथक्रमण करतील. किंवा छत्रपती संभाजीनगर बीड, येडशी, ढोकी, मुरुड, लातूर, औसा, उमरगा मार्गे पुढे हैद्राबादकडे पथक्रमण करतील. हैद्राबाद ते छत्रपती संभाजीनगर कडे येणारी वाहतुक उमरगा औसा लातूर अंबाजोगाई, मांजरसुंबा, बीड मार्गे पुढे छत्रपती संभाजीनगर कडे पथक्रमण करतील. किंवा उमरगा औसा लातूरमुरुड ढोकीयेडशीबीड मार्गे छत्रपती संभाजीनगर कडे पथक्रमण करतील.धाराशिव ते सोलापूर कडे जाणारी वाहतुक वैराग मार्गे पथक्रमण करतील. सोलापूर ते धाराशिव कडे येणारी वाहतुक वैराग मार्गे पथक्रमण करतील. लातुर ते सोलापूर कडे जाणारी वाहतुक मुरुड पासुन ढोकी येडशी बार्शी पुढे सोलापूर या मार्गे पथक्रमण करतील. सोलापूर ते लातुरकडे येणारी वाहतुक सोलापूर पासुन बार्शी येडशी ढोकी मुरुड पुढे लातुर या मार्गे पथक्रमण करतील. छत्रपती संभाजीनगर ते सोलापूर कडे जाणारी वाहतुक येरमाळा पासुन बार्शी पुढे सोलापूर या मार्गे पथक्रमण करतील. सोलापूर ते छत्रपती संभाजीनगर कडे येणारी वाहतुक सोलापूर पासुन बार्शी पुढे येरमाळा या मार्गे पथक्रमण करतील. तुळजापूर ते बार्शी कडे जाणारी वाहतुक तुळजापूर धाराशिव पुढे बार्शी या मार्गे पथक्रमण करतील. बार्शी ते तुळजापूर कडे येणारी वाहतुक बार्शी वैराग धाराशिव पुढे तुळजापूर मार्गे पथक्रमण करतील. तुळजापूर ते सोलापूर कडे जाणारी वाहतुक मंगरुळ पाटी पासुन इटकळ बोरामणी पुढे सोलापूर या मार्गे पथक्रमण करतील. सोलापूर ते तुळजापूर कडे येणारी वाहतुक सोलापूर पासुन बोरामणी इटकळ मंगरुळ पाटी पुढे तुळजापूर या मार्गे पथक्रमण करतील. वरील बंधने ही पोलीस, रूग्ण सेवा, अग्निशमन दलाच्या वाहने, अत्यावश्यक सेवेतील वाहने व एस. टी. बसेस या वाहनांना लागू राहणार नाहीत.