तुळजापूर (प्रतिनिधी)- तालुक्यातील गंधोरा येथील एका पवनचक्की कंपनीचा सबस्टेशन समोर सेक्युरेटीकडुन शेतकरी कुंटुबाला बुधवार दि. 23 एप्रिल रोजी मारहाणचा व्हीडीओ सोशल मिडीयावर प्रचंड व्हायरल झाल्याने हा प्रकार म्हणजे मुळशी पँटर्न तालुक्यात येत असल्याची चर्चा चर्चिली जात आहे.
गंधोरा ता. तुळजापूर येथे एक शेतकरी कुंटुब भावाला कामावरुन काढण्याबाबतीत विचारणा करावयास गेले असता त्यांना मारहाण झाल्याचा घटनेचा व्हीडीओ सोशल मिडीयावर व्हायरल झाला आहे. यात सदरील शेतकरी कुंटुंबातील महिला आपल्या लेकरांना मारु नका म्हणत लेकरांचा अंगावर पडली असतानाही मारहाण केल्याचा आरोप कुंटुंबाकडुन केला जात आहे.
विशेष म्हणजे सदरील महिलेची अंगावरची साडी यावेळी खाली जमिनीवर पडल्याचे दिसत आहे. या घटनेने लाडक्या बहिणी येथे सुरक्षित नसल्याचे बोलले जात आहे. या प्रकारा बाबतीत तालुक्यातील तीव्र संताप व्यक्त होत असुन शेतकऱ्यांना वाली राहीलाच नाही अशा संतप्त प्रतिक्रिया व्यक्त होत होत्या.