धाराशिव (प्रतिनिधी)- शहर हद्दीत शासकीय वैद्यकीय महाविद्यालय धाराशिव येथे गुंड प्रवृत्तीच्या लोकांकडून महाविद्यालयातील व रुग्णालय कर्मचारी यांना त्रास होत असल्याने मा. जिल्हा पोलीस अधीक्षक श्री. संजय जाधव यांनी दि.17.03.2025 रोजी भेट देवून सदर ठिकाणी कार्यन्वीत करण्यात आलेल्या पोलीस चौकीमध्ये 1 उपनिरीक्षक, पोलीस ठाणे धाराशिव शहरचे 02 अंमलदार, पोलीस ठाणे आनंदनगरचे 2 अंमलदार, पोलीस ठाणे धाराशिव ग्रामीण 02 अंमलदार हजर ठेवणे बाबत आदेशीत केले. तसेच प्रवेशासाठी एकच गेट चालु ठेवणे, येणाऱ्या जाणाऱ्या वाहनांची नोंदी ठेवणे व इतर आवश्यक त्या सुचना देण्यात आल्या. यावेळी मा. उपविभागीय पोलीस अधिकारी श्री. स्वप्नील राठोड, पोलीस ठाणे धाराशिवचे पोलीस निरीक्षक श्री. शकील शेख, शासकीय वैद्यकीय महाविद्यालय धाराशिवचे अधिष्ठाता हे उपस्थितीत होते.