तुळजापूर (प्रतिनिध)-तालुक्यातील मौजे सांगवी मार्डी येथील रस्ता कामाची तपासणी करुन काम निकृष्ट दर्जाचे केल्याचे निदर्शनास आल्यास संबंधित ठेकेदार व अधिकाऱ्यावर फौजदारी स्वरूपाचे तात्काळ गुन्हे दाखल करण्यात यावे. अशी मागणी अमोल जाधव यांनी जिल्हाधिकारी यांच्याकडे निवेदन देवुन केली आहे.
निवेदनात म्हटले आहे कि,सांगवी मार्डी येथे स्मशानभूमीकडे जाणारा रस्ता सार्वजनिक बांधकाम खात्याकडून गतवर्षी करण्यात आला होता. या रस्त्याचे काम निकृष्ट दर्जाचे झाले असून वर्षभरातच ह्या रस्त्यावरील खडी उघडी पडली आहे पंचवीस पंधरा अंतर्गत निधीतून 10 लाखांचा ह्या रस्त्यात प्रचंड भष्ट्राचार झालाचे समजते. तसेच या रस्त्याचा माहिती फलकावर अपुर्ण माहिती लिहली आहे. तरी पाहणी करणाऱ्या अभियंता तसेच ठेकेदार यांच्यावर कारवाई करावी असे निवेदन शिवसेनाशिंदेगट चे आमोल जाधव यांनी दिले. सदरील निवेदन प्रत मा.कार्यकारी अभियंता, सा.बां.विभाग, धाराशिव यांना सादर करण्यात आली आहे.