धाराशिव (प्रतिनिधी)- भारतीय जनता पार्टीचे जिल्हाध्यक्ष संताजी चालुक्य- पाटील यांचा वाढदिवस मंगळवार दिनांक 18 फेब्रुवारी रोजी विविध उपक्रमांनी साजरा करण्यात आला. धाराशिव येथील अन्नपूर्णा ग्रुपच्या माध्यमातून वाढदिवस साजरा करण्यात आला. यानिमित्त मोफत अन्नसेवा राबवण्यात आली. मार्डी ता. लोहारा येथील आश्रम शाळेमध्ये विद्यार्थ्यांना स्नेहभोजन देण्यात आले.
वाढदिवसानिमित्त तुळजापूर येथील आई तुळजाभवानी मातेस महाआरती-महापूजा करण्यात आली. यानिमित्त भक्तांना भारतीय जनता पार्टीच्या वतीने गोड प्रसादाचे वाटप करण्यात आले. याशिवाय परंडा वाशी लोहारा उमरगा सर्व तालुक्यात विविध सामाजिक उपक्रम राबविण्यात आले. सकाळी उमरगा शहरात भाजपाचे ज्येष्ठ नेते माजी आमदार सुजितसिंह ठाकूर यांच्या हस्ते भव्य सत्कार करून करण्यात आले. यावेळी बाजार समितीचे माजी सभापती जितेंद्र शिंदे यांच्यासह पदाधिकारी कार्यकर्ते उपस्थित होते तसेच धाराशिव येथील कुष्ठधाम या ठिकाणी प्रदेश कार्यकारणी सदस्य प्रवीण पाठक,जिल्हा सरचिटणीस इंद्रजीत देवकते, जिल्हा उपाध्यक्ष सुनील कांबळे, अभय इंगळे यांनी फळाचे वाटप केले. यावेळी अमोल पेठे, रोहित देशमुख, सागर दंडनाईक, सुनील पंगुळवाले, आप्पा नाईकवाडी हे उपस्थित होते.
उमरगा येथील जेकेकूर चौरस्ता इंद्रप्रस्थ आश्रमामध्ये युवा मोर्चाचे तालुकाध्यक्ष नितेश जाधव यांच्या उपस्थितीत फळांचे वाटप करण्यात आले. यावेळी धीरज जाधव पाटील,शिवाजी मंडले, पैलवान उमाजी मंडले, प्रवीण पवार, नामदेव उजळंबे, अनिल माने, परमेश रणखांब आदींची उपस्थिती होती.
ग्रामीण रुग्णालयात वाढदिवसाच्या निमित्ताने रुग्णांना फळांचे वाटप करण्यात आले. संताजी पाटील यांच्या वाढदिवसानिमित्त उमरगा शहरात जिल्हाभरातील अनेक भारतीय जनता पार्टीचे कार्यकर्ते यांच्यासह इतर पक्षातील त्यांचे स्नेही मित्रपरिवार यांच्या वतीने भेट देऊन शुभेच्छा दिल्या.