धाराशिव (प्रतिनिधी) - दिल्ली येथील बाबू जगजीवन राम कला संस्कृती तथा साहित्य अकॅदमीच्यावतीने देण्यात येणाऱ्या डॉ ए.पी.जे. अब्दुल कलाम राष्ट्रीय पुरस्काराने धाराशिव ग्रामीण पोलीस ठाण्याच्या गुन्हे प्रकटीकरण महिला पोलीस नाईक मुक्ता प्रकाश लोखंडे यांना माजी खासदार सुनील गायकवाड यांच्या हस्ते देऊन दि.16 फेब्रुवारी रोजी सन्मानित करण्यात आले.
गोवा येथील पाटृ बस स्थानका जवळील आर्ट आणि कला विभाग संस्कृती भवन पंजिम येथे हा पुरस्कार सोहळा पार पडला. लातूरचे माजी खासदार सुनील गायकवाड यांच्या हस्ते लोखंडे यांना सन्मानित करण्यात आले. यावेळी गोव्याचे माजी मुख्यमंत्री चंद्रकांत कवलेकर, सिने अभिनेते झाकीर खान, नागपूर विद्यापीठाचे माजी उप कुलगुरू डॉ एस एन पठाण, अकॅदमीचे अध्यक्ष डॉ. एन.एस. खोबा, डॉ. संदीप खोचर, प्रदेशाध्यक्ष प्रथमेश अबनवे, प्रा.डॉ. बी.एन. खरात, प्रा गोरख साठे, पपेतल्ला रविकांत, महेंद्र सिंग, धनंजय डांगळे आदींसह इतर मान्यवरांच्या उपस्थितीत हा पुरस्कार देऊन सन्मानित करण्यात आले. पुरस्कार मिळाल्याबद्दल लोखंडे यांचे सर्व स्तरातून अभिनंदन व कौतुक होत आहे.