धाराशिव (प्रतिनिधी)- जिल्हा ऍथलेटिक्स संघटनेच्या वतीने जिल्हा क्रॉस-कंट्री अजिंक्यपद स्पर्धेचे आयोजन 14 डिसेंबर 2024 रोजी करण्यात आले आहे. हि स्पर्धा श्री. तुळजाभवानी क्रीडा संकुल धाराशिव येथे होणार आहे. यामध्ये 16 व 18 वर्षाखालील पहिल्या 02 तसेच 20 वर्ष व खुला गटातील पहिल्या 6 पात्रता धारण करणाऱ्या खेळाडूंची राज्य स्पर्धेसाठी जिल्हा संघात निवड होणार आहे.
एकूण 04 वयोगटात हि स्पर्धा होणार आहे. राज्य स्पर्धेकरिता 16 वर्ष मुले/मुली 2 धावणे,18 वर्ष मुली 4 धावणे,18 वर्ष मुले व 20 वर्ष मुली 6 धावणे,20 वर्ष मुले 8 धावणे, खुला महिला - पुरुष 10 धावणे या प्रमाणे स्पर्धा आयोजित करण्यात आलेल्या आहेत. या स्पर्धेत प्रवेश करताना ओळखपत्र, आधारकार्डसह ग्रामपंचायत, नगरपरिषद, नगरपालिका यांच्याद्वारे जारी करण्यात आलेला जन्म तारखेचा दाखला असणे अनिवार्य आहे. स्पर्धेत सहभागी होणाऱ्या खेळाडूंची जन्म तारीख 20 वर्ष वयोगट 13/01/2005 ते 12/01/2007,18 वर्ष वयोगट 13/01/2007 ते 12/01/2009,16 वर्ष वयोगट 13/01/2009 ते 12/01/2011 या प्रमाणे असावी. जिल्हा संघ निवड समिती प्रमुख राजेंद्र सोलनकर, राजेश बिलकुले, माउली भुतेकर तर तांत्रिक समिती मध्ये सचिन पाटील, सुरेंद्र वाले, अजिंक्य वराळे, मुनीर शेख, चांद शेख, प्रशांत बोराडे, अनिल भोसले, अश्विन पवार आणि बक्षीस वितरण मध्ये संजय कोथळीकर, रोहित सुरवसे इत्यादी आहेत. दि. 14 डिसेंबर रोजी सकाळी ठीक 9.00 वाजता धाराशिव येथील तुळजाभवानी मैदानावर स्पर्धेला सुरुवात करण्यात येणार असल्याची माहिती जिल्हा ऍथलेटिक्स संघटनेचे सचिव योगेश थोरबोले यांनी दिली. या जिल्हा क्रॉसकंट्री स्पर्धेत अधिकाधिक खेळाडूंनी सहभागी व्हावे असे आवाहन संघटनेचे अध्यक्ष भरत जगताप यांनी केले आहे. अधिक माहितीसाठी राजेंद्र सोलनकर, माउली भुतेकर, रोहित सुरवसे, योगेश थोरबोले(9860609056)यांच्याशी संपर्क साधावा.