धाराशिव (प्रतिनिधी)- तुळजाभवानी क्रीडा संकुल धाराशिव येथे दिनांक 30 सप्टेंबर व 1 ऑक्टोंबर 2024 रोजी जिल्हास्तरीय शालेय शूटिंग बॉल क्रीडा स्पर्धा पार पडल्या या स्पर्धेमध्ये एकलव्य आश्रम शाळा मंगरूळ (यमगरवाडी) तालुका तुळजापूर येथील विद्यार्थ्यांनी 17 वर्ष वयोगट मुलांमध्ये प्रथम क्रमांक ,19 वर्ष वयोगट मुलांमध्ये प्रथम क्रमांक,17 वर्ष वयोगट मुलींमध्ये प्रथम क्रमांक,19 वर्ष वयोगट मुलींमध्ये प्रथम क्रमांक मिळाऊन यश संपादन केले. या सर्व चार ही संघाची पुढे नांदेड येथे होणाऱ्या विभागीय स्पर्धेसाठी निवड झाली आहे या सर्व खेळाडूंचे व क्रीडा विभाग प्रमुख व क्रीडा प्रशिक्षक ज्ञानेश्वर भुतेकर, यशवंत निंबाळकर, बालाजी क्षीरसागर, सुजाता गणवीर यांचे संस्थेच्या वतीने संस्थेचे अध्यक्ष उद्धवजी काळे, कार्यवाह, विवेक अयाचीत, उपाध्यक्ष डॉ.अभय शहापूरकर, मुख्याध्यापक अण्णासाहेब कोल्हटकर,विठ्ठल म्हेत्रे, संस्थेचे संचालक मंडळ व क्रीडा समितीचे सर्व सदस्य व सर्व कर्मचारी यांनी अभिनंदन केले व पुढील स्पर्धेसाठी शुभेच्छा दिल्या.