धाराशिव (प्रतिनिधी)- येथील रामकृष्ण परमहंस महाविद्यालय धाराशिवचे प्राचार्य डॉ. जयसिंगराव श्रीराम देशमुख व सुहास श्रीराम देशमुख यांच्या मातोश्री तथा गोवा मुक्तीसंग्रामात योगदान दिलेले स्वातंत्र्य सैनिक कै. श्रीराम देशमुख अंबेजवळगेकर यांच्या पत्नी रुक्मिणीबाई श्रीराम देशमुख यांचे दिनांक 8 सप्टेंबर 2024 वार रविवार रोजी वृद्धापकाळाने वयाच्या 94व्या वर्षी दुःखद निधन झाले आहे. त्यांच्यावर कपिलधार स्मशानभूमी धाराशिव येथे अंत्यसंस्कार करण्यात आले. यावेळी पंचक्रोशीतील नागरिक, शैक्षणिक, सामाजिक व राजकीय क्षेत्रातील मंडळींची तसेच श्री स्वामी विवेकानंद शिक्षण संस्थेतील गुरुदेव कार्यकर्ते यांची उपस्थिती होती. त्यांच्या पश्चात दोन मुले, दोन मुली, चार सूना, जावई, दहा नातवंडे असा त्यांचा मोठा परिवार आहे.