धाराशिव (प्रतिनिधी)-अयोध्येत बांधलेल्या प्रभू श्रीराम मंदिराच्या अभिषेक सोहळ्याचे प्रमुख आचार्य पंडित लक्ष्मीकांत जी दीक्षित यांचे निधन झाले.
रामलल्लाच्या अभिषेकवेळी त्यांच्या सह 5 जण गर्भगृहात होते. आचार्य पंडित लक्ष्मीकांतजी दीक्षित हे मूळचे सोलापूर जिल्ह्यातील आहेत. त्यांचे कुटुंब पिढ्यांपासून काशीमध्ये राहत आहे. काशीचे प्रख्यात संत पूज्यपाद पंडित लक्ष्मीकांत मथुरानाथ दीक्षितजी हे 17 व्या शतकातील विद्वान गागा भट्ट यांचे थेट वंशज आहेत. काशीचे महान विद्वान पं गागाभट्ट यांनी छत्रपती शिवाजी महाराजांच्या रूपाने भारताला नवी ओळख दिली. विद्वान गागा भट्ट.. छत्रपती शिवाजी महाराजांच्या राज्याभिषेकाच्या अध्यक्षस्थानी होते.
औरंगजेबाच्या भीतीमुळे महाराष्ट्र व इतर राज्यांतील ब्राह्मणाना राज्याभिषेक करण्यास अडखळे येत होते. मग काशीचे परम विद्वान पं विश्वेश्वर भट्ट उर्फ गागाभट्ट यांनी आपला संन्यास आश्रम विसर्जित करून रायगडावर पोहोचले आणि ज्येष्ठ शुक्ल त्रयोदशीला (तेव्हा 6 जून 1674, या वर्षी 12 जून) छत्रपती शिवाजी महाराजांचा वैदिक पद्धतीने राज्याभिषेक केला आणि छत्रपतींनी हिंदुस्थानला नवी ओळख दिली.