परंडा (प्रतिनिधी)-तालुक्यातील सोन्नेवाडी येथे इंडसंड बँक यांच्या सामाजिक दायित्व अंतर्गत संपदा ट्रस्ट यांच्या वतीने 4 दिवशीय मोफत कुक्कुटपालन प्रशिक्षणचा मान्यवरांच्या हस्ते प्रमाणपत्र देऊन समारोप करण्यात आला.
सोन्नेवाडी येथे ग्रामीण भागातील गोरगरीब गरजू महिलांना मोफत कुक्कुटपालन प्रशिक्षण देऊन संपदा ट्रस्ट च्या माध्यमातुन उपस्थित महिलांना उद्योग व्यवसायाच्या संधी व त्यांचे ट्रेनिंग सेंटर याची विस्तृत महिती संपदा ट्रस्ट चे विकास गोफने यांनी दिली. तसेच विविध उद्योग असणाऱ्या विविध शासकीय योजनांची माहिती व शासकीय योजनातील पशुसंवर्धन विभाग अंतर्गत कुक्कुटपालनाचा लाभ हा 50% मोफत सबसिडीवर राबवला जातो याची सविस्तर महिती तालुक्यातील लघुउद्योग सल्लागार गणेश नेटके यांनी दिली.याबरोबरच सुशिक्षित बेरोजगार युवकांनी ,युवतींनी नोकरीच्या मागे न लागता शेतीपुरक उद्योग व्यवसाय याकडे भर दिला गेला पाहिजे व त्यातून आपला शाश्वत विकास करुन घेतला पाहिजे असे सरपंच सतीश सोन्ने यांनी महिलांना माहिती दिली. या कार्यक्रमासाठी सरपंच सतीश सोन्ने, जिल्हा समन्वयक विकास गोफणे, लघुउद्योग सल्लागार गणेश नेटके, उद्योग सखी सुनिता येडे, प्रेरिका साठे ताई व ग्रामसंघ पदाधिकारी उपस्थित होत्या या वेळी आभार प्रदर्शन सुजित जगताप सर यांनी केले व या कार्यक्रमाची सांगता कुक्कुटपालन उद्योजक राहुल व रंणजित मोटे यांच्या फर्मला अभ्यास सहलने भेट देऊन पाहणी करून संपन्न झाली.