धाराशिव (प्रतिनिधी)-जिल्ह्यातील भूम तालुक्यात वारदवाडी फाटा येथून धाराशिवकडे पांढऱ्या रंगाच्या पिकअप बोलेरो मधून जनावरांची वाहतूक करत असल्याची माहिती मिळताच स्थानिक गुन्हा शाखेने अवैध जनावरांची वाहतूक करीत असल्याबद्दल गुन्हा दाखल केला आहे.
याबाबत अधिक माहिती अशी की, आज दि. 20.11.2023 रोजी स्थानिक गुन्हे शाखेचे पथक भुम उपविभागीय हद्दीत अवैध धंदे विरुध्द कारवाई कामी पेट्रोलिंग करीत असताना वालवढ, ता. भूम येथे आले असताना पोलीस निरीक्षक स्थानिक गुन्हे शाखा वासुदेव मोरे, यांना गुप्त बातमीदारामार्फत बातमी मिळाली की, पांढऱ्या रंगाच्या पिकअप बोलेरो वाहन क्र. एमएच 11 सीएच 4728 व इतर दोप पिकअप मध्ये गाय, बैल, वासरे असे प्राणी कत्तल करण्याकरीता वारदवाडी ते भूम मार्ग धाराशिव येथे घेवून जाणार आहेत अशी खात्रीशीर बातमी मिळाली. स्थानिक गुन्हे शाखेचे पथक वारदवाडी फाटा ते भुमकडे जाणारे रोडवरील एमआयडीसी भूम लगत असलेल्या रोडवर वाहनाना पकडण्याकरीता दबा धरुन बसले. अंदाजे 04.00 वा. चे सुमारास रोडवरुन पांढऱ्या रंगाच्या तीन पिकअप एकामागोमाग येत असताना दिसल्या. बातमी प्रमाणे सदरच्या वाहनांचा संशय आल्याने त्यांनी त्यास हात दाखवून थांबिवले. पांढऱ्या रंगाच्या पिकअप बुलेरो वाहन क्र. एमएच 11 सीएच 4728 ही थांबले व त्यांचे मागील दोन पिकअप युटर्न घेवून रोडने परत वारदवाडीच्या दिशेने वेगाने निघून गेल्या. ताब्यात असलेल्या पिकअप चालकास त्याचे नाव गाव विचारले असता त्यांने त्याचे नाव समाधान सुदाम कांबळे, वय 22 वर्षे, रा. पापणस, ता. माढा जि. सोलापूर असे असल्याचे सागिंतले. पोलीस पथकाने वाहनाच्या पाठीमागे जावून पाहणी केली. सदर पिकअप वाहनामध्ये अंदाजे 64 हजार रूपये किंमतीचे 6 बैल, गाय दाटी वाटीने बांधून त्यांना पुरेसी हालचाल करता येणार नाही अशा रितीने छळ करुन त्यांची वाहतुक करीत असताना मिळून आले. ताब्यातुन अंदाजे 64 हजार रूपये किंमतीचे 6 बैल, गाय जनावरासह 5 लाख रूपये किंमतीचे बुलेरो पिकअप वाहन असा एकुण 5 लाख 64 हजार रूपये किंमतीचा मुद्देमाल जप्त केले. समाधान सुदाम कांबळे, वय 22 वर्षे, रा. पापणस, ता. माढा जि. सोलापूर यांचे विरुध्द भूम पोलीस ठाणेत गुन्हा नोंद करण्यात आला आहे. इतर दोन वाहनांचा पोलीस शोध घेत आहेत.
सदरची कामगीरी पोलीस अधीक्षक अतुल कुलकर्णी, अप्पर पोलीस अधीक्षक नवनीत कॉवत यांच्या मार्गदर्शनाखाली स्थानिक गुन्हेशाखेचे पोलीस निरीक्षक- वासुदेव मोरे, सहाय्यक पोलीस निरीक्षक शैलेश पवार, पोलीस उप निरीक्षक संदीप ओहोळ, पोलीस अंमलदार राहुल तेलप, नेताजी गेजगे, प्रशांत आडगळे, राहुल कोळी, हवेल जाधवर, अक्षय मनगिरे, गणेश सुर्यवंशी, किरण शहाणे, रंजित बागल, भगिरथ पंतगे, प्रशांत किंवडे, गणेश पटारे, राजेश वादे यांचे पथकांनी केली आहे.