धाराशिव (प्रतिनिधी)-तालु्नयातील वरुडा येथे दि. 07 ऑगस्ट रोजी आरोग्य शिबिराचे आयोजन करण्यात आले होते. या शिबिरांमध्ये विनामूल्य आरोग्य तपासणी, उपचार करण्यात आले.
धाराशिव तालु्नयातील वरूडा येथे दि. 07 ऑगस्ट रोजी आरोग्य शिबीर आयोजित करण्यात आले होते. या शिबिरात 650 रुग्णांची तपासणी व उपचार करण्यात आले. यापैकी 120 रुग्णांना शस्त्रक्रिया करणे आवश्यक असल्याने त्यांच्यावर तेरणा स्पेशालिटी हॉस्पिटल, नेरुळ येथे पुढील उपचार करण्यात येणार आहेत. या शिबीरात प्रमुख गणेश पाटील, पी. के. गाढवे, अगतराव गाढवे, ग्रा.प. सदस्य पृथ्वीराज मगर, पंडित मगर, सोसायटी चेअरमन शिवाजी मगर, खरेदी विक्री संघ संचालक बालाजी मगर इत्यादी उपस्थित होते तसेच कार्यकर्ते व ग्रामस्थ मोठया संख्येने उपस्थीत होते. यावेळी मुंबईचे डॉ.अजित निळे, डॉ. ओम खानापुरे, डॉ. मयुर पाटील, डॉ.अक्षय कांबळे, डॉ. नयन डोळस यांनी रुग्णांची तपासणी करुन औषधोपचार केले. तसेच तेरणा जनसेवा केंद्राचे अमीन सय्यद, विनोद ओव्हाळ, रवी शिंदे, सचिन व्हटकर, योगेश मारडकर, परिचारीका व आशा कार्यकर्त्या यांनी परिश्रम घेतले.