तुळजापूर / प्रतिनिधी-
तालुक्यातील काक्रंबा येथे एका २३ वर्षिय युवकाचा मोटार सायकला पाठी मागुन ट्रकने जोराची धडक दिल्याने सुमित शेषेराव वाघमारे (२३ ) हा जागीच ठार झाला . सदरील अपघात तुळजापूर लातुर महामार्ग रस्त्यावर असणाऱ्या काक्रंबा गावानजीक रविवार दि. ५रोजी राञी ८.३०वा. घडला .
या बाबतीत अधिक माहीती अशी की, सुमित शेषेराव वागमारे (रा. शिंगोली ता. जि उस्मानाबाद )हा पुण्याला नोकरीला होता . तो गावी आला होता आजोबाला बघण्यासाठी तो भातागळी ता. लोहारा येथे आत्याकडे मोटार सायकल (क्र MH-12- SN 0805 ) वरुन जाताना तो काक्रंबा गावानजीक आला असता मागुन आलेल्या ट्रक क्रमांक ने ( MH26BE9637) मोटार सायकलला धडक दिल्याने तो ठार झाला. मयत सुमित हा आईवडीलांना ,एकलुता एक मुलगा होता. त्यास दोन बहीण, आई, वडील आहेत.