उस्मानाबाद / प्रतिनिधी-

 नळदुर्ग पोलीस ठाण्याचे पथक पो.ठा. हद्दीतील अवैध मद्य विरोधी कारवाईसाठी   पहाटे पासून गस्तीस होते. दरम्यान गोपनीय माहितीच्या आधारे पथकाने तुळजापूर तालुक्यातील येडोळा शिवारात असलेल्या खंडाळा नदी पात्राजवळील गावठी दारु निर्मीतीच्या अड्ड्यावर छापा टाकला. यावेळी तेथे येडोळा ग्रामस्थ- सुनिल तिप्पु पवार हे गावठी दारु निर्मीती करताना आढळले. घटनास्थळी गावठी दारु निर्मीतीचा गुळ- पाणी मिश्रणाचा एकुण 3,600 लिटर आंबवलेला द्रव हा  लोखंडी पिंपांत असलेला एकुण अंदाजे 1,80,000 ₹ किंमतीचा माल आढळला. गावठी दारु निर्मीतीचा द्रव पदार्थ हा नाशवंत असल्याने पथकाने तो जागीच ओतून नष्ट करुन नमूद व्यक्तीविरुध्द नळदुर्ग पो.ठा. येथे गुन्हा क्र. 238/2022 हा महाराष्ट्र मद्य मनाई कायदा कलम- 65 (ई) अंतर्गत नोंदवला आहे.

   सदरची कामगीरी  पोलीस अधीक्षक  अतुल कुलकर्णी व अपर पोलीस अधीक्षक   नवनीत काँवत यांच्या आदेशावरुन नळुदर्ग पो.ठा. चे सपोनि- श्री. सिध्देश्वर गोरे यांसह पथकाने केली आहे.


 
Top