बुधवार पासुन अवकाळी पाऊस पडत आहे त्याचा फटका द्राक्ष,आंबा,कांदा,टोमॉटो,हरभरा, आदि पिकांना होत आहे. तसेच ढगाळ वातावरणामुळे ज्वारीवर लष्करी अळी तर हरभ-यावर पाने खाणारी अळीचा प्रादुरभाव दिसत आहे तसेच पिकावर मर रोग दिसत आहे. वास्तविक जिल्हयात ज्वारी हरभ-याचे पिक जोमात आले होते ढगाळ वातावरण व धुके यामुळे किडीचा प्रादुरभाव मोठया प्रमाणात झाला आहे.अचानक झालेल्या पावसाचा फटका या पिकांना बसणार आहे पिक जोमात येऊन सुध्दा उप्तादनात घट होण्याची शक्यता आहे.
या किडीच्या नियंत्रणासाठी एमामेक्टिन बंझोट 0.5 ग्रॅम व लॅम्बडेसी लोथ्रिन1.5 मिली या प्रमाणात फवारणी करावी फवारणी करताना पोग्यात औषध जाईल याची काळजी घ्यावी. तसेच हरभरा पिकात पाने खाणा-या अळिचा प्रादुरभाव दिसत आहे याच्यां नियंत्रणासाठी एमामेक्टिन बंझोट 0.5 या किटकनाशकाची प्रति लिटर पाण्यात फवारणी करावी असे आवाहन शिवार फाऊंडेशनचे प्रमुख विनायक हेगाणा यांनी केले आहे.
या अधिच खरीपातील अतिवृष्टीच्या तडाख्याने प्रचंड नुकसान होऊन हातातोंडाशी आलेली पिके हिरावली गेली आहेत. बोगस बियाणे, दुबार-तिबार पेरणी, आर्थिक चिंता अशा एक ना अनेक परिस्थितीत आपण आतापर्यंत धीराने तोंड दिले आहे, पण शेवटी आताच्या परिस्थितीत त्यातून आलेली हतबलता यामुळे बेचैन होणे साहजिकच आहे, पण तरीही कृपया मायबापानो कोणतेही टोकाचे पाऊल उचलू नका किंवा विचार करू नका, हीसुद्धा वेळ निघून जाईल, आम्ही तुमच्या सोबत आहोत.कोणतीही अडचण असो, आपण त्यातून नक्की मार्ग काढण्याचा प्रयत्न करू, पण हार मानू नका. फोन आल्यानंतर योग्य यंत्रणेशी जोडून देऊन मार्गदर्शन करून सल्ला, मार्गदर्शन देऊन, त्रस्त शेतकरयांना समुपदेशन करून मानसिक आधार देण्यात येईल त्यातून जास्तीत जास्त शेतकऱ्यांना मदत झालेली आहे.फक्त शिवार हेल्पलाइनला ८९५५७७१११५ एक फोन करा, असे आवाहन शिवार फाऊंडेशनचे प्रमुख विनायक हेगाणा यांनी केले आहे.
यासाठी मारिवाला हेल्थ इनिशिएटिव्ह, तपस्वी पब्लिक चॅरिटेबल ट्रस्ट उस्मानाबाद, कृषी महाविद्यालय,गडपाटी, जिल्हा प्रशासन, जिल्हा परिषद, जिल्हा पोलीस दल, कृषी विभाग व राष्ट्रीय सेवा योजना या शासकीय, अशासकीय, स्वयंसेवी अशा सर्वच संस्थाचे सहकार्य मिळत आहे.