उस्मानाबाद/ प्रतिनिधी
शिवछत्रपती राज्य क्रीडा पुरस्कार प्रतिवर्षी शिवछत्रपती जीवन गौरव पुरस्कार,उत्कृष्ट क्रीडा मार्गदर्शक,जिजामाता पुरस्कार,शिवछत्रपती खेळाडू/साहसी/दिव्यांग खेळाडू पुरस्कार देण्यात येतात.याबाबतची नियमावली शासन निर्णय दि.24 जानेवारी-2020 नुसार निर्गमित केलेले आहे.यामध्ये नियमावलीमध्ये सुधारणा करण्याचे प्रस्तावित आहे.त्या अनुषगाने सूचना व अभिप्राय राज्य शासनाने मागविले आहेत.
शिवछत्रपती पुरस्कार नियमावलीच्या सुधारणाबाबत खेळाडू,नागरिक,संघटना यांच्याकडून सुचना व अभिप्राय दि.22 जोनवारी -2021 पर्यंत आहेत.पुरस्काराच्या प्रस्तावित सुधारणा नियमावली प्रत क्रीडा विभागाच्या https://sports.maharashtra.gov.in या संकेतस्थळावर प्रसिध्द करण्यात आली आहे.
याबाबत आपल्या सूचना/अभिप्राय dsysdesk14@gmail.com किंवा desk14.dsys-mh@gov.in या मेलवर पाठवाव्यात,असे आवाहन जिल्हा क्रीडा अधिकारी कार्यालय याने केले.अधिक माहितीसाठी जिल्हा क्रीडा अधिकारी कार्यालय,उस्मानाबाद विभागीय उपसंचालक,क्रीडा व युवक सेवा,लातूर विभाग,लातूर अथवा क्रीडा व युवक सेवा संचालनालय,शिवछत्रपती क्रीडा संकुल,महाळुंगे,बालेवाडी पुणे यांच्याशी संपर्क साधावा.